NEHEMIA 6:19 - KITTA' MATANGKASA'

¹⁹ Manna natuli annulisi' sura' Tobia mae ri nakke untu' anggarattaka', mingka anjo siapa area pamimping Yahudia, tuli napaui ri dallekangku sikontu kabajikanna Tobia. Pantaranganna anjo, sikamma apa kupaua nalaporo' ngasengi ke'nanga mae ri Tobia.

NEHEMIA 6:19 Referans Kwoze

1 YOHANES 4:5

Anjo na'bi-na'bi balle-ballea sangnging passala' linoa nabicara; nipilangngerimi bicaranna ke'nanga ri anne linoa, nasaba' anjo ke'nanga tau battu ri linoa assala'na.

YOHANES 15:19

Ebara' angkana napatangko anne linoa, lanakamaseangko anne linoa salaku apa-apanna. Mingka le'ba' mako Kupile battu ri anne linoa, jari teai mako patanna linoa. Iaminjo saba'na nanakabirisiko linoa.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

NEHEMIA 6:13

Pattujunna ke'nanga, iamintu sollangku malla' nakuturuki ero'na ke'nanga sa'gengku doraka. Lanri kammana anggappami kasampatang ke'nanga untu' ambotto'-bottoki arengku, sa'gengku a'jari carita kodi ri taua.

NEHEMIA 6:9

Nacoba-cobami ke'nanga anggarattaka' sollanna napammari ikambe anjo jama-jamanga. Appala' doamma' angkana, “O, Allata'ala, pakajarreki pa'maikku!”

NEHEMIA 6:18

Jai tu Yahudi agangi siagang Tobia, lanri anjo Tobia mintunnai Sekhanya ana'na Arah. Nampa pole Yohanan, ana'na Tobia, a'buntingi siagang ana' bainena Mesulam ana'na Berekhya.

NEHEMIA 7:1

Le'baki anjo tembo' kallika nibangung, kusuromi sollanna nipataba sikontu papang pakke'bu'na pakke'buka. Nampa kusuro sikamma pajaga pakke'bu' lompoa, sikamma pakelonga siagang sikamma tu Lewia massing anggaukangi tugasa'na ke'nanga.