NEHEMIA 6:15 - KITTA' MATANGKASA'

¹⁵ Pakabajikianna anjo tembo' kallika iamintu 52 allonna, nampa le'ba'. Tanggala' ruampulo allima bulang Elul nale'ba'.

NEHEMIA 6:15 Referans Kwoze

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

EZRA 6:15

Le'ba'mi anjo Balla'Na Batara ri tanggala' tallu bulang Adar, ri taung makaannanna pamarentahanna Karaeng Darius.

NEHEMIA 7:1

Le'baki anjo tembo' kallika nibangung, kusuromi sollanna nipataba sikontu papang pakke'bu'na pakke'buka. Nampa kusuro sikamma pajaga pakke'bu' lompoa, sikamma pakelonga siagang sikamma tu Lewia massing anggaukangi tugasa'na ke'nanga.

EZRA 6:14

Nibantumi ke'nanga ri Na'bi Hagai siagang Na'bi Zakharia, na napannarrusu' sikamma pamimpinna tu Yahudia pambangunanna anjo Balla'Na Batara. Napa'le'ba'mi linta' anjo pambangunanga situru' parentaNa Allata'alana Israel siagang parentana Kores, Darius, na Artahsasta, karaeng-karaenga ri Persia.

PAMMUJI 147:2

LaNapammollei Batara Yerusalem; laNapoterangi sikamma tau nipelaka.