NEHEMIA 5:7 - KITTA' MATANGKASA'

⁷ Kupattantumi angkana langngallea' tindakang. Nampa kupakainga'mo sikamma tutoa-toana ra'yaka siagang sikamma pamimpinna ra'yaka. Kukana ri ke'nanga, “Angngapa nanujallakkang sikamma sari'battannu tonji?” Nampa appare'ma passirapakkang siagang tau jaia untu' a'boya cara untu' ambantui ke'nanga ri kasusaanga.

NEHEMIA 5:7 Referans Kwoze

KAIMANGNGANG 25:36

Teako appalakki bunga battu ri apa nupappiinranganga mae ri ia, mingka paralluko malla' ri Allata'alanu, siagang lappassammi anjo taua attallasa' ri alla'nu. Tea tongko angngallei passawallang battu ri kanre nubalukanga mae ri ia.

KALAPPASSANG 22:25

Punna appappinrangko doe' mae ri tu kasi-asia ri bansaKu, teako assingaraki sangkamma tau appappibungaya doe'.

YEHEZKIEL 22:12

Nia' todong a'jari pabuno nigaji, nangaia ampaccoki julu bansana. Kabusu'na ke'nanga nakaluppaiMa'. INakke, Batara Kaminang Tinggia, anne akkana.

PAMMUJI 15:5

appappiinranga doe' natena nibungai; tenaya naero' annarima doe' pacoco' untu' ampakarugi tu tenaya salana. Tau a'gau' kammaya, latuli sannangi nasa'ring.

KAIMANGNGANG 19:15

Musti lambusukko punna angngadeliko; teako battala' mangei ri tu kasi-asia siagang teako mallakki mae ri tau kalumanynyanga.

TITUS 2:15

Pangngajarrangi yangasenna anjo, siagang pakaingaki kammayatompa piu'rangi sikamma tau mallangngereka; usahakangi nangngali' ke'nanga mae ri kau. Teako pa'biangi kalennu nicini' tuna ri taua.

1 TIMOTIUS 5:20

Inai-nai a'gau' dosa, musti nipakaingaki ri dallekanna sikontu jama'aka, sollanna a'jari malla' maraengannaya.

GALATIA 2:11

Ri wattunna battu Petrus ri Antiokhia kupakaingaki silambusu'na, lanri salai batena appanggaukang.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

MATIUS 18:17

Punna tena ija napilangngeri pappakainga'na anjo siapaya tau, nampami nipau mange ri jama'aka. Kale'bakkanna, punna tena ijapa naero' ampilangngeri pappakainga'na jama'aka, pasangkammami pasingara' sima siagang tau kapere' anjo taua siagang tau tena natappa' ri Allata'ala.”

YEHEZKIEL 45:9

Nakana Batara Kaminang Tinggia, “He sikamma patugasa' pamarentana Israel, angganna'mi dosa-dosanu! Pamarimi anjo tindakannu appaero'-eroka siagang anjallakkangai ra'yaka. Gaukammi apa annabaya siagang adeleka. Tea sikaliko bongkai pole ummakKu battu ri tampa'na ke'nanga. INakke, Batara Kaminang Tinggia, amparentakangi anjo mae ri kau.

PANGNGEBARANG 27:5

Bajikangngangi pappasaile nilambusianga kala pangngamaseang tenaya nanipasuluki.

PAMMUJI 27:8

Kikana, “Battuko mae anynyomba ri Nakke.” Appialima' kukana, “Lintakka' battu, o, Batara;

PAMMUJI 15:1

Pammujina Daud. O, Batara, inai akkulle annompang ri KemaTa siagang ammantang ri bulu' matangkasatTa.

PAMMUJI 4:4

Assengi angkana, le'ba'mi Napile Batara untu' KalenNa sitau Nakamaseanga. Batara mappilangngeri Punna kumakkio' ri Ia.

PAMMUJI 109:11

Boli'mi kamma nialle ngaseng barang-baranna ri pasingara' inranga, siagang nirampasa' wassele' karesoanna ri taua.

KALAPPASSANG 22:24

INakke lalarro siagang lambunoko lalang bundu', sa'genna a'jari janda bainennu, siagang tena manggena ana'nu.

PAMMUJI 94:16

Inai angngalleia' battu ri tau dorakaya? Inai angngagangnganga' angngewai tau a'gau' ja'dalaka?

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.