NEHEMIA 5:10 - KITTA' MATANGKASA'

¹⁰ Inakke kalengku, sikamma sari'battangku, kammayatompa agang-agangku ngaseng, nisaremi angnginrang doe' siagang gandung ra'yaka. Mingka tena nanapalaki ikambe ammotere'.

NEHEMIA 5:10 Referans Kwoze

2 KORINTUS 6:1

Lanri assiaganNa Allata'ala ikambe anggaukangi anjo jama-jamanga, iami anjo nanapala' tojeng-tojemmo ikambe sollanna tena nanubawang-bawangangi anjo kabajikang pa'mai'Na Allata'ala.

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

2 KORINTUS 5:11

Naassemmi ikambe angkana apa battuanna nikanaya malla' mae ri Batara; iaminjo saba'na nausahamo ikambe ampakatappaki taua ri sesena kalenna ikambe. Baji' niassenna ikambe ri Allata'ala, naminasai sollanna nanuasseng todong ikambe lalang ri atinnu ngaseng.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

YEHEZKIEL 18:13

Punna assarei angnginrang appalaki bunga. Apaka anjo tau kammaya lattallasaki? Tena! Nagaukammi sikontu panggaukang appakaringi'-ringika anjo, siagang lamatei. Anjo namate lanri panggaukanna tonji.

YEHEZKIEL 18:8

Tale'bakai assare angnginrang nampa nasuro bungai. Taerokai anggaukangi kaja'dallanga siagang punna nia' pa'beserang tuli natangngai siagang adele'.

PAMMUJI 15:5

appappiinranga doe' natena nibungai; tenaya naero' annarima doe' pacoco' untu' ampakarugi tu tenaya salana. Tau a'gau' kammaya, latuli sannangi nasa'ring.

NEHEMIA 5:7

Kupattantumi angkana langngallea' tindakang. Nampa kupakainga'mo sikamma tutoa-toana ra'yaka siagang sikamma pamimpinna ra'yaka. Kukana ri ke'nanga, “Angngapa nanujallakkang sikamma sari'battannu tonji?” Nampa appare'ma passirapakkang siagang tau jaia untu' a'boya cara untu' ambantui ke'nanga ri kasusaanga.

NEHEMIA 5:9

Nampa kukanamo pole, “Kodi anjo panggaukannu! Mustina mallakko lalang tallasa'nu mae ri Allata'ala. Lanri kammana, anjo musunta tenaya allata'alana, tenamo nusarei kasampatang untu' anghinaki'.

NEHEMIA 5:11

Ero'na ikau pole tea' mako pabayaraki inranna anjo ra'ya' angnginranga ri kau, baji' na'rupa doe', kammayatompa a'rupa anggoro' yareka minynya' zaitun. Poterangi linta' kokonna, koko anggoro'na, koko zaitunna kammayatompa balla'na ke'nanga!”

YESAYA 58:6

Iaminne puasa Kukaerokia: La'gasi sikko' panjallakkanga siagang battala'na gau' tenaya naadele', siagang lappassangi tau nijallakkanga.

PAOLE 15:2

Kammaminne carana. Sikamma tu Israel niaka doe' pappinranna mae ri tau julu bansana, musti nabilang lappasa'mi anjo pappinranna, lanri situru' katantuang KalenNa Batara anjo inranga nibilang lappasa'mi, jari takkulleami nisingara'.

NEHEMIA 10:32

Taung-taungi ikambe massing anynyumbang lima garang pera' untu' angngongkosi kaparalluanga ri Balla'Na Batara ri Yerusalem.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.