NEHEMIA 4:21 - KITTA' MATANGKASA'

²¹ Kammaminjo nappakkaramulamo anjama ikambe ri subu-subua sa'genna ammumba bintoenga ri langi' ri bangngia. Bageruanna ra'yaka ampakabajiki temboka, nampa maraenganga a'jaga-jagai anna'gala' poke ri limanna.

NEHEMIA 4:21 Referans Kwoze

GALATIA 6:9

Lanri kammana, takkulleaki' lanre anggaukangi apa-apa bajika; nasaba' punna tena nilanre anggaukangi anjo apa-apa bajika, nia' se're wattu sallang nalanigappa wassele'na.

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

NEHEMIA 4:20

Jari, punna allangngerekko tarompe', karo-karoko a'rappung ri tammulilina ikambe anrinni. Allata'alata la'bundu' untu' ikatte.”

NEHEMIA 4:22

Lalanna anjo wattua sikontu patugasaka siagang pambantuna ke'nanga kusuroi a'bangngi ri Yerusalem. Lanri kammana, akkullemi ikambe anjagai kotaya punna bangngi nampa punna allo ambangungi temboka.