NEHEMIA 2:6 - KITTA' MATANGKASA'

⁶ Anjo wattua ammempoi karaenga ri sa'rinna ratua. Naturukiamma' pappalakku. Akkuta'nangi ri nakke angkana siapa salloku lammantang anjoreng siagang ringngapanna kulammotere'. Jari kupauammi tanggala' le'baka kupattantu.

NEHEMIA 2:6 Referans Kwoze

NEHEMIA 13:6

Ri wattunna kajariang anjo passalaka, inakke tena' ri Yerusalem, nasaba' ri makatallumpulona anrua ammarenta Karaeng Artahsasta, karaeng Babel, inakke a'lampa' mange ri Babel untu' a'laporo' mae ri karaenga. Siapa arepi allo ribokoanganna nampa nikellaia'

YESAYA 65:24

Tenapa nappala' ke'nanga, naKuppialimo; tenapa nale'ba' ke'nanga appala' doang naKuturukiammo pappala'na ke'nanga.

NEHEMIA 5:14

Sampuloma' anrua taung a'jari guburnur ri Yehuda, iamintu appakkaramula ri taung makaruampulo sa'genna taung makatallumpulo anrua ammarenta Karaeng Artahsasta. Lalang anjo wattua inakke siagang sikamma sari'battangku tale'bakai kualle gajiku salaku guburnur.

YESAYA 58:12

Kota salloamo rumbanna lanubangungi ammotere' irate ri pundasi sallona. Lanigallarakko ‘Bansa ambangungai ammotere' sikamma tembo' kallika siagang ampakabajikai sikamma balla' ancuruka.’ ”

NEHEMIA 2:4

Akkuta'nammi karaenga angkana, “Jari, apa nukaeroki?” Lalang atingku appala' doamma' ri Allata'ala makoasaya ri suruga;

YESAYA 61:4

Lanabangungi ke'nanga kota-kota salloamo runtung nappaenteng tampa'-tampa' salloamo sino.

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

NEHEMIA 2:5

nampa kukana ri karaenga, “Punna kikaerokang karaeng, nakiero' anturukianga' pappalakku, kisuroma' mange ri butta Yehuda untu' ambangungi ammotere' kota tampa' pa'jerakkanna boe-boena atanta.”

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.