NEHEMIA 2:17 - KITTA' MATANGKASA'

¹⁷ Mingka kale'bakkanna kukanamo ri ke'nanga, “Cini' minne antekamma sessana tallasatta! Kota Yerusalem ammantang mami sesa-sesa rumbangngang kammayatompa sikamma pakke'bu' lompona la'busu'mi nakanre pepe'. Umba nanibangungi ammotere' sikamma tembo' kalli'na kota Yerusalem, sollanna tenamo nanahinaki' taua.”

NEHEMIA 2:17 Referans Kwoze

YEHEZKIEL 5:14

La'jari mamako rapang loro-loro bawang, nampa sikontu bansa-bansa niaka ri tammulilinu lanacau-cauko; tunggala' tau allaloa la'lili ngasengi ampakabellai kalenna battu ri kau.

NEHEMIA 1:3

Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

PAMMUJI 79:4

Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe.

PIRAUNG 3:51

A'jari si'nai pa'maikku anciniki sarenna tubaine niaka ri kotana ikambe.

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

PAMMUJI 79:12

O, Batara, Kibalasaki anjo bansa-bansa a'lappi tuju lanri sikontu panghinaanna mae ri Katte.

PAMMUJI 44:13

Kibalukangi ummatTa natena siapa anggaranna, siagang tena apa-apa passawallang Kigappa.

1 SAMUEL 11:2

Appialimi Nahas angkana, “Ero'ja' appare' parjanjiang, mingka anne sara'na, ‘Massing lakupasulu' ngasengi mata kanannu salaku pammatei nihinana ngaseng sikontu Israel.’ ”

NEHEMIA 2:13

Bangngi iji nanabokoi ikambe anjo kotaya, ammalo ri Pakke'bu' Lompo Ka'bung, ri bageang ilau'. A'lampa timboroki ikambe, mange ri Pakke'bu' Lompo Pa'loroang, ammalo ri Timbuseng Je'ne' Naga. Lalang a'jappana ikambe kuparessami sikamma kapanrakanna tembo' kalli'na kotaya. Kammayatompa kucini' tommi sikamma pakke'bu' lompo le'baka nakanre pepe'.

NEHEMIA 2:16

Tena manna sitau battu ri tutoa-toana ra'yaka angngassengi angkana a'lampa kemaea' siagang apa kurancanakang anjo wattua. Nasaba' sa'genna anjo wattua tenapa apa-apa kupau mae ri sikamma julu bansaku; baji' na ri sikamma imanga kammayatompa sikamma tutoa-toana ra'yaka, yareka ri pagawe-pagawea, kammayatompa inai-nai lamminawanga ambangungi kota Yerusalem.

EZRA 9:9

Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

PAMMUJI 44:14

Kipa'jarimi ikambe tunicau-cau ri siampi'-ampi' balla'na ikambe nicau-caumi siagang nikakkalimi ikambe ri ke'nanga.

PAMMUJI 102:15

Saba' ata-atanTa mangngai ri ia, manna pole na'jarimo rumbangang. Tu'guru' mangngamaseangi ke'nanga mae ri ia, manna pole na'jari aumo.

MIKHA 7:11

He Yerusalem! Narapi'mi wattunna nubangung ammotere' tembo'-tembo'na kotanu. Anjo alloa lanipakaluaraki daeranu.