NEHEMIA 2:15 - KITTA' MATANGKASA'

¹⁵ Jari, naummi ikambe ri Ka'bung Kidron nampa napannarrusu' jappana ikambe anjo bangngia, siagang kuparessami tembo' kalli'na kotaya. Le'baki anjo a'lekkomi ikambe nampa ammotere' mange ri kotaya, ammalo ri Pakke'bu' Lompo Ka'bunga.

NEHEMIA 2:15 Referans Kwoze

2 SAMUEL 15:23

Angngarru' lompo kabusu'mi ra'yaka ri wattunna nabokoimo pasukang-pasukanna Daud anjo kotaya. Nampa a'limbang karaenga ri pangka Binangana Kidron nipinawang ri sikontu pasukanna, nampa a'jappa ke'nanga a'lampa mange ri parang lompoa.

YOHANES 18:1

Le'baki appala' doang kamma anjo, a'lampami Isa siagang ana'-ana' gurunNa anta'leang ri ba'leanna Binanga Kidron. Anjoreng nia' se're koko. Antama'mi Isa siagang ana'-ana' gurunNa ri anjo kokoa.

2 PATTOTTORANG 26:9

Ambangungi Uzia menara ri Pakke'bu' Lompo Panyingkulu', ri Pakke'bu' Lompo Ka'bung Lappara', siagang pa'bilukang tembo', untu' ampakajarreki kota Yerusalem.

NEHEMIA 2:16

Tena manna sitau battu ri tutoa-toana ra'yaka angngassengi angkana a'lampa kemaea' siagang apa kurancanakang anjo wattua. Nasaba' sa'genna anjo wattua tenapa apa-apa kupau mae ri sikamma julu bansaku; baji' na ri sikamma imanga kammayatompa sikamma tutoa-toana ra'yaka, yareka ri pagawe-pagawea, kammayatompa inai-nai lamminawanga ambangungi kota Yerusalem.