NEHEMIA 13:26 - KITTA' MATANGKASA'

²⁶ Kukana, “Sai iatommi anne dosa kammaya nagaukang Karaeng Salomo? Tena karaeng lompoangngang naia ri anne linoa. Nikamaseangi ri Allata'ala siagang nipa'jari karaeng ri sikontu bansa Israel. Mingka manna nakamma, ninyonyo'mi ri bai'-baine bansa maraeng untu' a'gau' dosa.

NEHEMIA 13:26 Referans Kwoze

1 KARAENG-KARAENG 3:13

Ba'lalo manna tenaya nupalaki lakusare tongko: lalang sikontu tallasa'nu lakkalumanynyangko siagang lanapakala'birikko taua la'biangngang na karaeng maraengannaya.

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

2 PATTOTTORANG 1:12

Lanri kammana anjo laKusareko kacara'dekang baji' siagang pangngassengang. Pantaranganna anjo laKupa'jari coppongi katallassannu, la'bi kalumanynyang siagang la'bi masahoro' na karaeng maraengannaya, baji' karaeng allaloa kammayatompa karaeng labattua.”

2 PATTOTTORANG 9:22

La'bi kalumanynyanna siagang cara'de'na Karaeng Salomo na karaeng manna pole battu kemae.

PANGNGEBARANG 31:3

Teako pa'laboangi kagassingannu yareka nupela' bawang-bawang kakassakannu mae ri bainea. Jaimi karaeng a'jari panra' lanri baine.

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

1 KARAENG-KARAENG 4:1

A'jari karaemmi Salomo mae ri sikontu pa'rasangang Israel.

1 KARAENG-KARAENG 21:25

Tena niakka tau lompo pattujunna anggaukangi kaja'dallanga ri dallekanNa Batara sangkamma nagaukanga Ahab. Yangaseng anjo kaja'dallanga nagaukangi lanri nipangarui ri Izebel, bainenna.