NEHEMIA 10:39 - KITTA' MATANGKASA'

³⁹ Ra'ya' Israel siagang tu Lewi musti angngerangi sumbangang attantu iamintu a'rupa gandung, anggoro', siagang minynya' zaitun mange ri kamara' parsadiaanga untu' pammolikang pakkakasa'-pakkakasa' Balla'Na Batara ri Yerusalem. Anjoreng tommi ammantang sikamma imang tugasaka, sikamma pajaga pakke'bu' lompona Balla'Na Batara ri Yerusalem kammayatompa sikamma pakelonga. Tena natakkaluppa ikambe amparakai Balla'Na Batarana ikambe ri Yerusalem.

NEHEMIA 10:39 Referans Kwoze

IBRANI 10:25

Teako takkaluppai tuli a'rappungang, sangkamma tau maraenga. Ikatte paralluki' la'bi tamalanre massing sipakajarre'; nasaba' niassengi angkanaya tasalloami Nabattu poleang Batara.

2 PATTOTTORANG 31:12

nampa naboli' anjo sikontu passarea siagang passare bage sampuloa battu ri pa'barang-baranganna ra'yaka lalang ri anjo gudang-gudanga. Nia' sitau tu Lewi niarenga Konanya nisare tugasa' untu' pangawasa', siagang andi'na niarenga Simei a'jari pambantuna.

PAMMUJI 122:9

Lanri Balla'Na Batara, Allata'alata, appala' doanga' sollannu mate'ne.

PAOLE 12:17

Ri tampa' pammantangngannu takkulleako angkanrei passare bage sampulona panggappannu battu ri gandunga, battu ri anggoro'nu, battu ri minynya' zaitunnu, battu ri sapinu, bembenu siagang gimbala'nu bungasa' lassuka, koro'bang pa'bayara' tinja'nu, koro'bang ero' kalennu yareka passare maraengannaya.

PAMMILANGNGANG 18:30

Punna le'ba'mo nupassareang anjo bageang kaminang bajika, akkullemi nualle sesanna, sangkamma sitau pamarri angngalleai apa tassesaya ri wattu le'ba'namo naerang passarena.

2 KARAENG-KARAENG 7:10

Lanri kammana anjo ammotere'mi ke'nanga mange ri Samaria nampa akkio' mae ri pangawala'na pakke'bu' lompona kotaya, angkana, “Le'baki kambe a'lampa mange ri pakkemaanna tu Siria, nampa tena sikalimo tau anjoreng. Narapikangi kambe jaranna siagang keledaina ke'nanga nia' ngasengiji tappaukang ri tampa'na, nampa kemana ke'nanga nabokoi bawang-bawanji.”

PAMMILANGNGANG 18:26

ampabattui anne parentaya mae ri tu Lewi: Punna annarimako passare battu ri tu Israel iamintu passare bage sampulona panggappanna ke'nanga, ia Napassareanga Batara untu' a'jari bageannu, musti nupassareangi bage sampulona mae ri Batara untu' passarenu nisa'laka.

2 PATTOTTORANG 31:11

Lanri parentana karaenga, appasadiami ke'nanga gudang-gudang ri sa'ri Balla'Na Batara,

NEHEMIA 12:47

Ri jammanna Zerubabel siagang ri jammanna Nehemia, sikontu ra'ya' Israel assarei passare untu' anggannakki kaparalluang allo-allona sikamma pakelonga siagang pajaga pakke'bu' lompona Balla'Na Batara ri Yerusalem. Assare tommi ra'yaka passare poro untu' tu Lewia, nampa tu Lewia nasare tommi sikamma imanga bageang le'bakamo nipattantu.