NEHEMIA 10:32 - KITTA' MATANGKASA'

³² Taung-taungi ikambe massing anynyumbang lima garang pera' untu' angngongkosi kaparalluanga ri Balla'Na Batara ri Yerusalem.

NEHEMIA 10:32 Referans Kwoze

PA'JARIANG 28:22

Nampa lakupassareang mae ri Batara bage sampulona sikontu apa Napassareanga Batara mae ri nakke. Anne batu pangngu'rangi kupaentenga la'jari tampa' panynyombang mange ri Batara.”

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.

PANGNGEBARANG 3:9

Pakala'biriki Batara siagang assareko koro'bang kaminang bajika battu ri barang-barang wassele' buttanu,

KALAPPASSANG 23:11

Mingka ri taung makatujua anjo buttaya musti nuboliki bawang. Lalanna anjo taunga takkulleako angngallei apa attimbo kale-kalea ri kokonnu. Boli'mi kamma anjo nanaalle tu kasi-asia, nampa sesanna untu' olo'-olo' liaraka. Kamma tomminjo nugaukang mae ri koko anggoro'nu siagang poko'-poko' zaitunnu.

1 PATTOTTORANG 26:27

Anjo sikamma passarea iami sipa'gang battu ri barang-barang narampasaka ke'nanga lalang pa'bundukang, siagang passarena ke'nanga untu' eroka lanipake poro untu' lalang ri Balla'Na Batara.

NEHEMIA 5:10

Inakke kalengku, sikamma sari'battangku, kammayatompa agang-agangku ngaseng, nisaremi angnginrang doe' siagang gandung ra'yaka. Mingka tena nanapalaki ikambe ammotere'.

NEHEMIA 9:14

Allo Pammari-mariang matangkasaka musti napakalompoi ke'nanga, na tete ri Musa Kipassareang hukkunTa.

NEHEMIA 13:15

Ri anjo jammanga kuciniki angkanaya nia' siapa are tu Yehuda ammacco' anggoro' ri allo Pammari-marianga. Nia' pole maraeng angngerang gandung, anggoro', rappo anggoro', rappo ara siagang barang-barang maraeng irate ri keledaina nampa naerang mange ri Yerusalem. Kupisangkai ke'nanga ambalukangi ri Yerusalem.

NEHEMIA 13:18

Kalanri dosa kammaya minne naNahukkung Allata'ala sikamma boeta siagang Naposso' anne kotaya. Apaka ero' ngasengko kamma-kamma anne antambai pangngalarroiNa Allata'ala mae ri Israel lanri nura'massinna allo Pammari-marianga?”

NEHEMIA 13:21

Kukanamo ri ke'nanga, “Sia-siajako attayang anjoreng sa'genna bari'basa'. Jagako, punna nugaukang ija sikali anjo kammaya, langngallea' tindakang terasa'!” Appakkaramula ri kamma-kammaya anjo tale'bakami battu ke'nanga punna allo Pammari-mariang.