NEHEMIA 10:31 - KITTA' MATANGKASA'

³¹ Punna nia' bansa maraeng ero' ambalukangi gandunna yareka barang-barang apa mamo mae ri kambe ri allo Pammari-marianga yareka allo nipakatangkasaka maraengannaya, talanaballiai ikambe. Punna narapi' taung-taung makatujua, talanjamayai ikambe ri kokoa siagang talanasingarai pangnginranganna ikambe.

NEHEMIA 10:31 Referans Kwoze

KAIMANGNGANG 23:3

Annang allo sallona taua anjama, mingka ri allo makatujua, iamintu Allo Pammari-marianga, iami allo pammari-mariang nisa'laka untu' mae ri Batara. Ri anjo alloa musti apparekko passibuntulang untu' asse're anggaukangi ibadaya siagang takkulleako anjama.

KALAPPASSANG 20:10

mingka allo makatujua iamintu allo pammari-mariang ia nisa'laka untu' iNakke. Anjo alloa manna sitau takkulleai anjama, baji' naikau, kammayatompa ana'-ana'nu, ata-atannu, olo'-olo'nu yareka tau annompanga lalang ri pa'rasangannu.

YESAYA 58:6

Iaminne puasa Kukaerokia: La'gasi sikko' panjallakkanga siagang battala'na gau' tenaya naadele', siagang lappassangi tau nijallakkanga.

2 PATTOTTORANG 36:21

Kammami anjo na'rupamo apa Napaua Batara tete ri Na'bi Yeremia, angkanaya anjo pa'rasanganga la'jari kalotoroki sallang 70 taung sallona, salaku sambenna taung-taung allo Pammari-mariang tenaya nijampangi.

KAIMANGNGANG 23:21

Ri anjo alloa musti asse'reko untu' anggaukangi ibadaya siagang takkulleako anggaukangi jama-jamang battalaka. Anjo paratoranga musti nituruki ri jari-jarinu sa'genna satunggu-tungguna, manna pole kemae ke'nanga ammantang.

KAIMANGNGANG 16:29

Anne paratorang-paratoranga musti nituruki sa'genna satunggu-tungguna. Ri tanggala' sampulo bulang tuju, tu Israel siagang bansa maraeng ammantang tulia ri alla'na ke'nanga musti appuasai siagang tanipa'biangai anjama, nasaba' anjo alloa iamintu allo teai sipato' matangkasa'na. Anjo alloa musti nigaukangi upacaraya untu' antangkasi bansa Israel battu ri sikontu dosana ke'nanga sollanna a'jari matangkasa'.

KALAPPASSANG 12:16

Ri allo makase'rea, kammayatompa ri allo makatujua, musti a'rappungangko untu' anggaukangi ibadanu. Anjo alloa takkulleako anggaukangi sikamma jamanga pantaranganna untu' appasadiaya kanre.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

KOLOSE 2:16

Lanri kammana, teako pa'biangi taua ampasalako ri passala' apa-apa nikanrea yareka apa-apa niinunga, yareka ri passala' allo-allo lompona agamaya, yareka passua'-suarrang bulang berua, yareka ri passala'na allo Pammari-marianga.

MATIUS 6:12

Kipammopporangi dosa-dosana ikambe, Sangkamma napammopporammi ikambe tu salaya ri kalenna ikambe.

KALAPPASSANG 34:16

Punna a'bunting ana'-ana'nu siagang bai'-baine bansa maraeng, laninyonyoki ke'nanga ri anjo bai'-bainea untu' ambokoiA' nampa anynyomba ri rewata-rewatana ke'nanga.

NEHEMIA 13:23

Anjo wattua nia' todong kucini' angkana jai tu Yahudi a'bunting siagang baine battua ri bansa Asdod, Amon, siagang Moab.

NEHEMIA 13:27

Teai sipato' ja'dala'na ngaseng panggaukannu. Baraniko angngewai Allata'ala lanri a'buntingko siagang bai'-baine battua ri bansa maraeng!”