NEHEMIA 10:28 - KITTA' MATANGKASA'

²⁸ Ikambe, ra'ya' Israel, sikamma imanga, tu Lewi, sikamma pajaga pakke'bu' lompona Balla'Na Batara, sikamma pakarena musika, siagang sikamma pajamaya ri Balla'Na Batara ri Yerusalem, kammayatompa bainenna ikambe siagang ana'-ana' anggannakamo umuru'na untu' ammahang, sikamma tau mannurukia mae ri hukkunNa Allata'ala siagang ia le'bakamo ansa'laki kalenna battu ri bansa maraeng ammantanga ri pa'rasanganna ikambe.

NEHEMIA 10:28 Referans Kwoze

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

KATO'BA 5:2

Pila' ranggaselai taua, pila' akkullei anggappa so'na kodi. Pila' jai bicara, pila' akkullei taua appasulu' kana-kana tolo.

PAMMUJI 47:7

Akkelongko pammuji mae ri Allata'ala, akkelongko pammuji mae ri Karaenta!

NEHEMIA 13:3

Ri wattunna nalangngere' bansa Israel anjo passala' kammaya, nasa'la'mi sikontu bansa maraenga battu ri ra'ya' Israel.

NEHEMIA 8:2

Nampa naerammo Ezra anjo kittaka mae ri dallekanna anjo pa'rappungang tau jaia, iamintu bura'ne, baine siagang ana'-ana' anggannakamo umuru'na untu' akkulle ampahangi.

EZRA 2:70

Sikamma imanga, tu Lewia, siagang sipa'gang ra'yaka ammantangi ri Yerusalem siagang kota-kota niaka ri ampi'na. Sikamma pakelonga, pajaga pakke'bu' lompona Balla'Na Batara ri Yerusalem siagang sikamma pajamaya ri Balla'Na Batara ri Yerusalem, kammayatompa la'binnaya tu Israel maraenga, ammantangi ri kota-kota pammantanganna boe-boena ke'nanga.

KAIMANGNGANG 20:24

Pa'rasangang akkalumanynyanga siagang copponga buttana anjo, le'ba'mi Kupa'janjiang mae ri kau, jari Kupassareangi mae ri kau untu' nupatang. INakke Karaeng Allata'alanu le'baka ansa'lakko battu ri alla'na bansa-bansa maraenga.

EZRA 6:21

Anjo koro'banga nikanre ngasemmi ri sikontu tu Israel, ia ammotereka battu ri pammelakkanga, kammayatompa sikamma pandudu' niaka ri anjo pa'rasanganga, ia tobakamo ri dosana siagang erokamo battu anynyomba ri Batara, Allata'alana Israel.