NAHUM 2:2 - KITTA' MATANGKASA'

² Tojeng, laNapoterangi Batara kalompoanna tu Israel, sollanna a'jari sangkamma riolo, ri tenanapa niellaki ri musu-musunna.)

NAHUM 2:2 Referans Kwoze

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

YEHEZKIEL 37:23

Tenamo nalanara'massi pole kalenna ke'nanga lanri nagaukanna dosaya siagang anynyombana ri barhalaya, appakaringi'-ringika. LaKupakabebasaki ke'nanga battu ri sikontu sala panggaukanga, ampakabellayai ke'nanga battu ri Nakke. LaKutangkasi ke'nanga; la'jari ke'nanga ummakKu, siagang iNakke Allata'alana ke'nanga.

YESAYA 60:15

Tena nulanibokoi siagang tena nulanikabirisi', siagang tena nulanibalang parekang a'jari sino. Kupa'jariko nikalompoang pa'maika satunggu-tungguna, tampa' karannuang mannannungang.

HOSEA 10:1

Israel rapangi poko' anggoro' roasaka rapponna. Pila' katambangi kalumanynyanna, pila' jai tongi tampa' pakkoro'bangnganga napareka. Pila' kalumanynyangi, pila' baji' tongi patung-patunna barhala nasombaya.

YEREMIA 49:9

Punna angngattili' taua rappo anggoro', tuli nia' naboli' nasesa, siagang punna battu palukkaka ri wattu bangngia, iaji naalle apa nakaerokia.

YEREMIA 25:29

LaKupakaramulai anjo pangngancuranga ri kota KalengKu. Gassingka nakapangi ke'nanga angkanaya tena nalanihukkung ke'nanga. Ma'nassa lanihukkungi ke'nanga lanri laKupabattui pa'bundukanga mae ri sikontu bansaya ri sikontu linoa. INakke, Batara Kaminang Koasaya, anne akkana.

PAMMUJI 47:4

Nasareki' pammetang lompo mae ri bansa-bansaya, Napa'jariki', makoasa mae ri suku-suku bansaya.

YEREMIA 48:11

Nakana Batara, “Battu riolo amangi tallasa'na Moab. Tale'bakai niengka' mange ri butta pammelakkanga. Ia rapangi je'ne' anggoro' nibolika sallo siagang tale'bakai nipatiri' antama' ri tampa' anggoro' maraenga. Anggoro'na tuli bau' iji siagang nyamangi.

YEHEZKIEL 37:21

Nampa paui mae ri ke'nanga angkanaya iNakke, Batara Kaminang Tinggia, angngallei sikontu bansaKu battu ri sikamma pa'rasangang napa'lampaia ke'nanga. LaKupasse'rei ke'nanga siagang Kuerangi ammotere' mange ri pa'rasangang kalenna.

NAHUM 2:10

Ancuru'mi Niniwe, sinomi na kalotoro'. La'bai pa'maika napakamma malla'. A'jari lammami siagang annekkereki kulantuka. A'jari pi'lasa' kabusuki rupanna taua.

NAHUM 3:14

Anynye'ro' mako je'ne' untu' nupasadia lalang siapa sallonu nikurung, siagang pakkassakammi sikamma tembo'-tembo' pattahangannu! Onjo'-onjokammi peoka untu' appare' batu eja, siagang pasadiami sikamma kataranna!