NAHUM 1:14 - KITTA' MATANGKASA'

¹⁴ Iaminne kaputusanNa Batara ri passala'na bansa Asyur, angkana, “Tenamo turunganna ke'nanga untu' ampannarrusuki jari-jarina bansana. Patung-patung barhala niaka lalang ri balla' rewata-rewatana laKuancuruki. Kupasadiami jera'na bansa Asyur nasaba' tenamo nasiratang ke'nanga attallasa'!”

NAHUM 1:14 Referans Kwoze

PAMMUJI 109:13

Boli'mi kamma nipaccappu' sikontu turunganna, na nikaluppai arenna ri ana'-ana' ri bokoa.

MIKHA 5:13

Patung-patunna Dewi Asyera ri pa'rasangannu laKurumbangi siagang kota-kotanu niaka pattahanganna laKuancuruki.

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

2 KARAENG-KARAENG 19:37

Ri se'reang allo, sitabanna anynyomba lalang ri balla' panynyombanga ri Rewata Nisrokh, nibunomi siagang pa'dang ri Adramelekh siagang Sarezer ana'-ana' bura'nena tonji. Le'baki anjo larimi ke'nanga mange ri pa'rasangang Ararat. Jari ana' bura'nena maraenga iamintu niarenga Esarhadon ansambeangi a'jari karaeng.

DANIEL 11:21

Nakanamo pole anjo malaekaka, “Karaeng ribokoangannaya lammarenta ri pa'rasangang wara', iamintu tau tuna siagang tenaya ha'na a'jari karaeng. Mingka tanisanna-sannayai nania' battu, siagang appareki akkala' nakkulle naalle empoang kakaraenganga.

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YESAYA 33:13

Boli'mi kamma tau a'reppeseka siagang tau bellaya nalangngereki apa Kugaukanga siagang naakui kakoasangKu.”

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

PAMMUJI 71:3

A'jariKi' untu' inakke sanrapang moncong batu tampa' pammantangangku, tuli akkullea kurapi' kubattui. Saba' le'ba'mi Kitappuki untu' ampasalamaka', iKattemi tampa' pammantangangku siagang pa'la'langangku.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.

KAIMANGNGANG 26:30

LaKuancuruki sikamma tampa' panynyombannu ri bulu'-buluka, Kurumbangi sikamma tampa' pakkoro'bangngannu untu' attunu dupa, nampa Kupasambila sikamma maya'nu mae ri rumbanna anjo sikamma barhalanu. ErokKa' Kusa'ring ta'langnge

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

AYUB 18:17

Taniassengami, ri lalang yareka ri pantarang kota; tenamo manna sitau angngu'rangi arenna.

MIKHA 5:14

Lalang allumpana larroKu laKubalasaki kaja'dallanna sikontu bansa tenaya namannuruki ri Nakke.”

HABAKUK 2:10

Mingka anjo rancananu poro kasirikang bawang naerang mae ri kaluarganu. Lanri nuella'na jaia bansa, na nurugikammo kalennu.

DANIEL 5:27

nitimbang, iamintu le'ba' maki' nitimbang nampa niassemmo angkanaya tena matu-matunta;