MIKHA 7:18 - KITTA' MATANGKASA'

¹⁸ Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

MIKHA 7:18 Referans Kwoze

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YEREMIA 50:20

Ri anjo wattua Israel siagang Yehuda latangkasaki battu ri dosaya, lanri laKupammopporangi sikamma tau le'baka Kupasalama'. INakke, Batara, anne akkana.”

YEREMIA 32:41

Lasannangi pa'maikKu a'gau' baji' mae ri ke'nanga, naKupammantang ke'nanga anrinni ri anne pa'rasanganga sa'genna satunggu-tungguna.

YEREMIA 3:12

Nasuroa' Batara a'lampa untu' ampabattui anne passalaka mae ri Israel angkanaya: “He Israel tenaya namajarre' pa'mai'na, ammotere' mako mae ri Nakke! Lompo pangngamaseangA' ri kau siagang tena Kutuli lalarro mae ri kau.

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

PAMMUJI 89:8

NipakalompoKi' ri sikamma tau matangkasaka, nikamallakkangKi' la'biangngang nasikontu niaka ri tammuliliTa.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 65:3

Saba' iKatte ampilangngeri pappala' doanga; battu ngasengi taua mae ri Katte lanri dorakanamo.

PAMMUJI 89:6

Passirapakkanga ri suruga mammuji ri gau'-gau' mappakalannasatTa, na nakelongang tamamminraTa, o, Batara.

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

MIKHA 4:7

Nipa'jarimi ke'nanga rapang tau peso' siagang bella battu ri butta passolongang cera'na. Mingka, battu ri anjo sikamma tau tassesaya laKupakaramulai se're turungang beru. La'jari ke'nanga bansa lompo siagang kassa'. INakke lammarenta ri ke'nanga ri Bonto Sion sa'genna satunggu-tungguna.”

MIKHA 2:12

Nakana pole Batara, “He umma' Israel niaka ija tassesa! Ma'nassa laKupa'rappungko siagang Kupasse'reko rapang gimbala' ammotereka mae ri barana. Rapang parang ruku' rassia siagang gimbala', kamma tomminjo pa'rasangannu larassi siagang tau jai.

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

1 KARAENG-KARAENG 8:23

siagang appala' doang angkana, “O Batara, Allata'alana Israel! Ri langi' yareka ri buttaya, tena sangkammanTa! Kirupai janjinTa siagang Kipappicinikangi pangngamaseanTa mae ri ummatTa tamamminraya siagang mannurukia situlusu' atinna mae ri Katte.

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

MIKHA 7:14

O Batara, Kikalawaki laloi ummatTa, iamintu umma' nipileTa. Ammantangi ke'nanga bella ri parang lompoa, ri tangnga-tangngana butta copponga. Lappassammi ke'nanga anggappa kanre ri parang ruku'na Basan siagang ri Gilead sangkamma jammang riolo.

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

YO"EL 2:32

Mingka inai-nai appala' pannulung mae ri Batara, iami lanipasalama'. Nakana Batara, “Ri Yerusalem sikamma tau Kupilea lasalamaki.”

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

DANIEL 9:9

Lammoro' pangngamaseangKi' siagang laboKi' ri pammopporo', manna pole nanangai ikambe angngewaya.

YEREMIA 3:5

Nukana pole angkanaya tena Kutuli larro mae ri kau. Iaminjo kanannu, he tu Israel, mingka lalang kammana anjo nugaukang tonji kaja'dallang akkullea nugaukang.”

YESAYA 65:19

INakke KalengKu larannuA' lanri Yerusalem, siagang late'nei pa'maikKu lanri pandudu'na. Tenamo karru' ri anjo kotaya, siagang tenamo pakkio' appala' tulung.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

PAMMUJI 130:4

Mingka iKatte Kingai appamopporang, sollanna a'jari taua tu mappilangngeri.

PAMMUJI 71:19

O, Allata'ala, kaadelanTa sanrapangi langika tinggina; tamaka lompona sikamma panggaukanTa; inaimi akkulle ampasangkammaiKi?

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

KALAPPASSANG 34:9

Nakana, “O Batara, punna ma'nassa nia' tojeng pangngellainTa mae ri nakke, kupalaki, poro amminawang laloKi' siagang ikambe. Anne bansaya memang kapala batui, mingka Kipammopporang laloi kaja'dallanna siagang dosana ikambe, siagang poro Kitarima laloi ikambe salaku umma' kalenTa.”

ROMA 11:4

Apa pappialinNa Allata'ala mae ri Na'bi Elia anjo wattua? Nakana Allata'ala, “Nia'mo Kuboli' tuju sa'bu tau untu' ri KalengKu. Tena le'bakapi ke'nanga anynyomba mae ri Rewata Baal.”

LUKAS 15:32

Mingka siratangki' assua'-suara' siagang a'rannu-rannu, lanri le'ba'mi mate anjo andi'nu, mingka kamma-kamma anne attallasa' poleangi; le'baki tappela', mingka kamma-kamma anne nibuntulu' poleammi.’ ”

MIKHA 5:3

Punna battu anjo tumakoasaya, laNaparentai umma'Na lalang kagassinganNa siagang kakoasang battua ri KalenNa Karaeng Allata'ala. Laamangi tallasa'na umma'Na, lanri sikontu taua ri sikontu linoa lanamangakui kabusuki kalompoanNa,

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.

AMOS 7:8

Akkuta'nangi mae ri nakke angkana, “Apa nucini' Amos?” Appialima' angkana, “Otere' pa'ladung ammenteng lambusu', Batara.” Nampa Nakanamo Batara, “Kupakei anne pa'ladunga untu' ampappicinikangi angkanaya ummakKu rapangi tembo' tenaya nammenteng lambusu'. Tenamo nalaKupinra poleang rancanaKu, ma'nassa laKuhukkungi ke'nanga.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

YESAYA 57:10

Tena natappu' minasannu nuposoi kalennu amboyai rewata-rewataya. Nukapangi angkana akkullei ke'nanga assareko sumanga' beru, sa'genna tena nu'jari lamma.

YESAYA 40:25

Inai nukana sangkammanNa Batara Kaminang Matangkasaka? Inai ero' lanupasangkammangi?

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

PAMMUJI 103:13

Sanrapang se're mangge mangngamaseang ri ana'-ana'na, kammaminjo Batara mangngamaseang ri tau mappilangngeria.

PAMMUJI 35:10

Nakanamo sikontu pa'maikku, “O, Batara, tena sanrapanTa! Kilappassangi tau lammaya battu ri tau gassinga, tu kasi-asia siagang tu pa'risika battu ri tumanjallakkanna.”

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

YEREMIA 38:8

a'lampami Ebed-Melekh mange anjoreng na nakana ri karaenga,

YESAYA 62:5

Rapang se're turungka ambuntingi se'rea tulolo, kammaminjo Mappa'jarinu laNanikkaiko. Rapang bunting bura'ne rannu anciniki bainenna, kammaminjo batenu laNingai ri Allata'ala.

PA'JARIANG 4:7

Punna baji' apa nugaukanga, mattantu ta'muriko. Mingka punna kodi apa nugaukanga, attayammi dosaya untu' antama' ri atinnu. Eroki dosaya angkoasai kalennu, mingka musti nubetai.”

2 PATTOTTORANG 30:9

Punna ammoterekko mange anynyomba ri Batara, anjo tau le'baka allalingi bija pammanakannu salaku tunitahang, lamangngamaseangi siagang lanapa'biangi ke'nanga ammotere' mae anrinni ri pa'rasanganta. Anjo Karaeng Allata'alanu, Iami Allata'ala mabaji' siagang Mangngamaseangi; laNatarimako punna ammoterekko mae ri KalenNa.”

YESAYA 33:24

Manna sitau ri pa'rasanganta tania' lakkunrareng lanri garring, siagang sikontu dosana lanipammopporang ngasengi.

YESAYA 64:9

Jari tea' maKi' larro dudui, o Batara, tea' maKi' u'rangi pole dosana ikambe; Kicini'mi anne ikambe ummatTa.

YEREMIA 9:24

Inai ero' lompo pa'mai' ri passabakkang apa-apaya, musti lompo pa'maiki passabakkang naassengKu siagang napahangKu; angkanaya naassengi angkana mangngamaseangA' sa'genna satunggu-tungguna na Kupaenteng hukkunga siagang kaadelanga ri lino. Yangasenna anjo napakasannangi atingKu. INakke, Batara, akkana kamma anjo.”

YEREMIA 31:20

Israel, ikau ana' nisayangKu, ana' Kungaia, bua atingKu. Punna Kuancangko tuli nakkuKa' Kumangngu'rangi ri kau. LaKugaukanga mae ri kau iamintu Kukamaseang sikaliko.

YEREMIA 33:8

LaKutangkasi ke'nanga battu ri dosa-dosana, ia le'baka nagaukang ke'nanga mae ri Nakke; laKupammopporangi dosa-dosana siagang kadorakanna ke'nanga.

YEHEZKIEL 18:23

Apaka nupikkiriki angkana iNakke, Batara Kaminang Tinggia sannangA' punna matei tau ja'dalaka? Tena sikali-kalia! Kukellai nanabokoi dosa-dosana sollanna akkulle tuli attallasa'.

HOSEA 14:2

He bansa Israel, ammotere' mako mae ri Karaeng Allata'alanu! Passabakkang dosanu nutappeccoro' siagang tu'guru'.

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

HAKING-HAKING 10:16

Nampa napela' ngasemmo ke'nanga sikontu patung barhalaya, nanynyombamo ke'nanga ri Allata'ala. Natu'guru' pangngamaseammo Allata'ala anciniki ke'nanga lalang kasukkarang.

PAMMUJI 65:4

Teai sipato' battala'na dosa-dosaku, mingka iKatte ampammopporanga'.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

YEHEZKIEL 33:16

Tena nalaKuu'rangi pole dosa-dosana le'baka nagaukang, siagang lattallasaki lanri nagaukangi apa annabaya siagang bajika.

HOSEA 14:5

Nakana Batara, “UmmakKu ammengka salaya, Kuallei ammotere' naKukamaseang sikontu pa'mai'; talaKukalarroiami pole ke'nanga.