MIKHA 7:16 - KITTA' MATANGKASA'

¹⁶ Lanaciniki bansa-bansaya anjo passalaka siagang a'jari siri'-siri' lanri nasadarina angkanaya sikontu kagassinganna ke'nanga tena anggaranna. Latakkaluppai ke'nanga sa'genna takkulleamo a'bicara yareka allangngere'.

MIKHA 7:16 Referans Kwoze

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

YESAYA 52:15

Mingka kamma-kamma anne jai bansa napa'jari lannasa', lannasa'mi siagang takkulleami akkana sikamma karaenga napakamma. Lanaciniki ke'nanga siagang lanapahangi, apa tenaya naassengi riolo.”

PAPPICINI' 11:18

A'jalloki tau tenaya natappa' ri Batara, lanri narapi'mi wattunTa ampappicinikangi kalarroanTa, siagang narapi' tommi wattunna Kiadeli tau matea. Iaminne wattunna laKisare passawallang sikontu atanTa, na'bi-na'biTa, kammayatompa sikontu ummatTa, iamintu sikontu tau anynyombaya mae ri Katte, baji' natau lompo, kammayatompa tau ca'di. Iaminne wattunna laKiancuru' tau angngancurukai buttaya!”

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

ZAKHARIA 12:9

Anjo alloa laKuancuruki sikamma bansa eroka ampaccoba-cobai ambunduki Yerusalem.

MIKHA 5:8

Israel lanabetai musu-musunna kammayatompa naancuru' kabusuki ke'nanga.

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

YESAYA 66:18

Kuassengi pikkiranna siagang panggaukanna ke'nanga. NiakKa' battu untu' ampa'rappungangi sikamma taua battu ri sikontu bansa-bansaya. Ri wattunna a'rappung ke'nanga, lanacini'mi ke'nanga koasaKu.

PAMMUJI 126:2

Tulusu' ammakkalakki' siagang akkelong rannu sa'genna nakana bansa-bansaya, “Nagaukammi Batara gau'-gau' hebaka mae ri ke'nanga!”

AYUB 21:5

Cinikima', nunampa lalannasa' ngaseng, takkajannakko siagang tattongkoki bawanu.

PANGNGEBARANG 30:32

Punna lanri kadongokannu na nutampo anrancanakangi apa-apa ja'dalaka, tutuko!

MIKHA 3:7

Tau ambotoai allo labattua la'jari siri'-siriki lanri tena nakontutojeng botona. Lasiri'-siri' kabusuki ke'nanga lanri tena naNipiali ke'nanga ri Allata'ala.

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.