MIKHA 6:8 - KITTA' MATANGKASA'

⁸ Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.

MIKHA 6:8 Referans Kwoze

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

KOLOSE 3:12

Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.

YEREMIA 22:3

“A'gau' adelekko siagang a'gau' lambusukko. Lappassangi tau nipaccoka battu ri kakoasanna tau papaccoka. Teako anjallakkangi yareka teako a'gau' ja'dalaki mae ri bansa maraeng niaka ammantang ri alla'nu, mae ri ana'-ana' kukanga, yareka mae ri jandaya. Teako bunoi tau tenaya salana ri anne tampaka.

HOSEA 6:6

Kungaiangngangi punna tappakko siagang mangngamaseangko ri Nakke, naia punna attunuko siagang assareko koro'bang mae ri Nakke.

1 SAMUEL 15:22

Mingka nakanamo Samuel, “Kereanga la'bi Nangai Batara, mappilangngeria yareka koro'bang passarea? La'bi bajikangangi mappilangngeria mae ri Batara, naia assarea koro'bang. Mannurukia bajikangngi na jannana gimbalaka.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.

LUKAS 6:36

Paralluko lompo pangngamaseang sangkamma Manggenu lompo pangngamaseangi.”

LUKAS 11:42

Cilaka ngaseng mako ikau tu Farisia! Nupassareammi ri Allata'ala bage sampulona wassele' lamung-lamunnu, kammaya lanipareka minynya'-minynya' rampa, yareka rampa-rampa maraengannaya; mingka kaminang parallua, iamintu kaadelanga siagang pangngamaseanga ri Allata'ala, tena sikali nanujampangi. Na sikontutojenna iaminjo rolong parallu nugaukang, nampa tena todong nukaluppai maraenganga.

AMOS 5:24

Bajikangngangi appatujuangko sollanna a'lo'loro' kaadelanga rapang je'ne', siagang kalambusanga rapang binanga tenaya nale'ba' kalotoro'.

MATIUS 5:7

Mate'nei tau mangngamaseanga ri paranna tau; nasaba' iami lanikamaseang todong ri Allata'ala!

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

HOSEA 12:6

Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

MATIUS 5:3

“Mate'nei tau tanjenga ri Allata'ala lanri naassenna kalenna tau tena kullena; nasaba' iami a'jari umma'Na Allata'ala!

ZEFANYA 2:3

Ammotere' mako mae ri Batara, he sikontu tau tuna pa'maika ri anne pa'rasanganga, siagang sikontu tau anturukiai parenta-parentaNa. Appanggaukang mako situru' ero'Na Batara, siagang pakatunai kalennu ri dallekanNa. Inai angngassengi gassingka lata'lappasa' jako battu ri hukkunganga ri allo Napa'nyatana kalarroanNa Batara.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

PAMMUJI 37:26

Tuli appappinrangi siagang assarei, na'jari barakka' ana'-ana'na mae ri kalenna.

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

PAMMUJI 112:4

Accayai singaraka lalang ri sassanga mae ri tau lambusuka, mae ri tau adeleka, mangngamaseanga siagang manynyayanga.

PIRAUNG 3:26

Jari, bajiki kisannang attayang sa'genna battu Batara untu' antulungki';

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PAMMUJI 73:28

Mingka untu' inakke tamaka baji'na ma'reppeseka mae ri Allata'ala, Karaeng Allata'ala kupa'jari tampa' pa'la'langangku, sollanna akkulle kukabarrang sikontu panggaukanNa.

2 PATTOTTORANG 34:27

assesse' lalang mako siagang nupakatunami kalennu ri dallekangKu. Le'ba'mi Kupau angkanaya laKuhukkungi Yerusalem siagang sikontu pandudu'na, mingka ri wattu nulangngere'na anjo kanangKu angngarru' mako siagang nukae-kaemi pakeannu tanra si'nana nyawanu. Kulangngere'mi pappala' doannu,

YAKOBUS 2:20

Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?

ROMA 7:16

Jari, punna ia anjo apa-apa sisalaya siagang erokku kugaukang, battuanna kumangakuimi angkanaya annabai anjo hukkung-hukkung agama Yahudia.

2 PATTOTTORANG 32:26

Mingka kale'bakkanna napakatunami kalenna Hizkia siagang tu Yerusalem; jari lalang attallasa'na ija Hizkia, tenapa nanipabattui anjo hukkunganga.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

LUKAS 10:42

Sikontutojenna nia' se're passala' la'bi parallu. Na iaminjo se'rea, sannaka baji'na siagang sannaka paralluna le'ba' napilei Maria, tenaya nalatappela'!”

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

2 PATTOTTORANG 33:23

Mingka tena nasangkamma manggena anne Amon, lanri tena naero' ampakatunai kalenna siagang taerokai ammotere' mae ri Batara; ba'lalo la'bi lompoangngangi dosana na dosana manggena.

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

PA'JARIANG 5:22

Le'baki anjo attallasa'mi Henokh sipa'rappungang siagang Allata'ala 300 taung sallona. Anggappami pole ana'-ana' maraengannaya

KAIMANGNGANG 26:41

sa'gengKu angngalle tindakang angngewai ke'nanga nampa Kubongka ke'nanga mange ri pa'rasanganna musu-musunna ke'nanga. Kala'busanna, punna tundu'mo jari-jarinu siagang le'ba'mi najappai hukkunganga lanri dosana siagang mangngewana ke'nanga mae ri Nakke,

2 PATTOTTORANG 33:19

Lalang ri kitta' Pau-pauanna Na'bi-na'bia nia' tongi nicata' pappala' doanna Manasye siagang papialinNa Allata'ala mae ri anjo pappala'na, kammayatompa carita ri passala'na dosa-dosa nagaukanga lalang tenanapa natoba', tampa'-tampa' panynyombang barhala siagang patung-patung Dewi Asyera napareka, siagang barhala-barhala nasombaya.

1 KORINTUS 7:16

Nasaba' ikau salaku baine, iamintu baine tappakamo mae ri Batara, antekamma lakkulle nuasseng angkanaya ma'nassa takkulleai nupasalama' bura'nennu? Kammayatompa ikau salaku bura'ne Karistengamo, antekamma lakkulle nuasseng angkanaya ma'nassa takkulleai nupasalama' bainennu?

2 PATTOTTORANG 30:11

Mingka, nia' todong tau battu ri suku Asyer, Manasye, siagang Zebulon ero' a'lampa mange ri Yerusalem.

LUKAS 12:14

Appialimi Isa Nakana, “E, sari'battang, inai angngangkaKa' a'jari haking, lambage-bageangko warisi'nu sipa'rua?”

PAOLE 30:15

Anne alloa akkullei nupilei kalase'renna: bajika yareka ja'dalaka, matea yareka attallasaka.

YESAYA 56:1

Nakana Batara ri umma'Na, “Gaukangi apa adeleka siagang apa situruka siagang hukkungKu. Saba' sinampe' mami naKubattu ampasalamakko na nipa'nyata kaadelangKu.

YEHEZKIEL 33:14

Nakulle kapang le'ba'mi Kupakainga' tau ja'dalaka angkanaya lamatei ke'nanga. Mingka punna ammari a'gau' dosa, siagang appakkaramulami nagaukang apa bajika siagang annabaya, ebara'na napoterangngangi apa napappita'gallanga taua yareka barang le'baka nalukka', kammayatompa naturuki hukkung-hukkung angngeranga mae ri katallassang, anjo taua tena nalamate.

MIKHA 6:9

Sanna' baji'na punna mallakki' mae ri Batara. Akkioki mae ri pandudu'na kotaya Nakana, “Pilangngeri, he ikau ngaseng niaka a'rappung ri kotaya!

ZAKHARIA 7:9

angkana, “Attaung-taung allaloa Kupassareangi anne parenta-parentaya mae ri ummakKu, ‘Musti a'gau' adelekko, mangngamaseang siagang baji' pa'mai' mae ri parannu tau.

PAOLE 27:10

Lanri kammana anjo turukimi Batara siagang gaukangi sikontu hukkunNa kupassareanga mae ri kau anne alloa.”

YOSUA 24:14

Nakanamo pole Yosua, “Jari, kamma-kamma anne pakala'biriki Batara. Anynyombako mae ri Ia silambusu'na pa'mai'nu siagang pa'mai' tamamminraya. Pakabellai rewata-rewata nasombaya riolo boe-boenu ri Mesopotamia siagang ri Mesir. Anynyombako ri Batara bawang.

PAMMUJI 101:1

Pammujina Daud. Erokka' akkelong ri passala' tamamminraNa siagang kaadelanNa, mae ri Katte, o, Batara, kelong pammujiku!

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.