MIKHA 6:4 - KITTA' MATANGKASA'

⁴ Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

MIKHA 6:4 Referans Kwoze

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

KALAPPASSANG 12:51

Anjo alloa Naerammi Batara sikontu bansa Israel assulu' battu ri Mesir.

AMOS 2:10

Le'ba' mako Kuerang assulu' battu ri Mesir, siagang Kururunganga allalo ri parang kassika patampulo taung sallona. Buttana tu Amori le'ba'mi Kupassareang mae ri kau a'jari pa'rasangannu.

YEREMIA 32:21

Lanri koasa siagang kagassingang lompoTa Kierangi umma' Israel assulu' battu ri Mesir. Kigaukangi gau'-gau' appakalannasaka siagang gau'-gau' malompoa appakagegereka ri musu-musua.

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

PAMMILANGNGANG 12:1

Angngallemi Musa se're tubaine Kus nampa nabaineang; iaminjo napa'jari alasang Miryam siagang Harun untu' ancallai Musa.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

LAMPA-LAMPANA 7:36

Iaminjo Musa ampimpingi bansa Israel assulu' battu ri Mesir; iami anggaukangi anjo gau'-gau' appakalannasaka ri Mesir, ri Tamparang Ejaya, kammayatompa ri parang lompoa patampulo taung sallona.

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

PAOLE 24:18

U'rangi angkanaya ikau le'bakko a'jari ata ri Mesir nampa nilappassangko ri Karaeng Allata'alanu; iaminjo saba'na nakusareko anne paratoranga.

PAOLE 15:15

U'rangi angkanaya ikau ata tonjako riolo ri Mesir nampa nipakabebasakko ri Karaeng Allata'alanu; iaminjo saba'na nakupassareang anne parentaya mae ri kau.

PAOLE 9:26

siagang appala' doamma' angkana, O, Batara Kaminang Tinggia, tea' laloKi' ancuruki anne umma' KalenTa, bansa le'baka Kilappassang siagang Kiantaraka assulu' battu ri butta Mesir lalang kagassingang siagang kakoasang malompoTa.

PAOLE 5:6

Napappiassengangi Batara angkana, ‘INakke Karaeng Allata'alanu le'baka angngerangko assulu' battu ri butta Mesir, tampa'nu nipare' ata.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

KALAPPASSANG 4:16

Ia musti a'bicarai lalang arennu ri dallekanna ra'yaka. Ia la'jari juru bicaranu siagang lanapasangkammako angkanaya Allata'ala ampaui anjo apa mustia napau.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

KALAPPASSANG 3:10

Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”

KALAPPASSANG 4:10

Mingka nakanamo Musa, “Iye' Batara, mingka inakke teaiya' tau cara'de' a'bicara, baji' nariolo kammayatompa kamma-kamma anne, ri le'ba'namo Batara a'bicara mae ri nakke. Battala' sikali lilaku, salloi bateku a'bicara siagang tena nalaccu'.”

PAMMILANGNGANG 33:1

Nabokoinamo bansa Israel butta Mesir, a'barrisi' situru' massing suku bansana, nipimping ri Musa siagang Harun, assengkai ke'nanga ri siapa are tampa'.

1 SAMUEL 12:6

Nampa nakanamo pole Samuel, “Batara ampilei Musa siagang Harun, siagang angngerangi boe-boenu assulu' battu ri Mesir.

KALAPPASSANG 6:27

Ri wattunna a'bicara Batara siagang Musa ri Mesir,