MIKHA 6:14 - KITTA' MATANGKASA'

¹⁴ Langnganreko, mingka talabassorako – ba'lalo tuli cipuru'nu. Langngengkakko barang-barang, mingka takkulleako ampakaamangi. Apa-apa mamo nupakaamanga laKuancuruki lalang pa'bundukang.

MIKHA 6:14 Referans Kwoze

HOSEA 4:10

Langnganreko battu ri koro'bang-koro'bang nipassareanga, mingka tuli lacipuru'na nusa'ring. Lanynyombako mae ri rewata-rewata kacopponganga, mingka tuli tenana nakatambang pandudu'nu, nasaba' nubokoiMa' untu' mange anynyomba ri rewata-rewata maraenga.”

HAGAI 1:6

Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

YESAYA 65:13

Sikontutojenna, tau anynyombaya ri Nakke langnganrei, mingka ikau naalleko cipuru'. Langnginungi ke'nanga, mingka ikau turereko. Larannui ke'nanga, mingka ikau nipakasirikko.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

HAGAI 2:16

Battumi nucini' pattambungang gandunga, na nurannuang angkanaya langgappako 200 kilo gandung, mingka kale'bakkanna 100 kilo bawang nugappa. A'lampako anynye'ro' 100 litere' anggoro' battu ri gumbang anggoroka, mingka 40 bawang litere' nugappa.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 9:20

A'bundu'mi tu Manasye siagang tu Efraim, nampa assama ke'nanga angngewai Yehuda. Mingka tuli larrona ija Batara siagang tuli Nahukkunna ija ke'nanga.