MIKHA 4:11 - KITTA' MATANGKASA'

¹¹ Jaimi bansa akkumpulu' ero' ambundukiko, he Yerusalem! Nakana ke'nanga, “Musti niancuruki Yerusalem! Eroki ikambe anciniki anjo kotaya a'jari loro!”

MIKHA 4:11 Referans Kwoze

OBAJA 1:12

Tena nusiratang lasannang nyawanu mae ri sare kodina tu Yehuda siagang rannu pa'mai'nu ri allo kapanrakanna anjo sari'battannu. Tena nusiratang a'bicara lompo ri wattu natujuna susa.

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

YEREMIA 52:4

lanri kammana anjo battumi Karaeng Nebukadnezar siagang sikontu tantarana nampa nabunduki Yerusalem ri tanggala' sampulo bulang sampulo ri taung makasalapang pamarentahanna Zedekia. Ambangungi ke'nanga pattahangngang ri pantaranna kotaya, ambangungi tembo' pakkurung,

PAMMUJI 129:5

Boli'mi sikamma tau birisika ri Sion nibetai siagang ditunrungi ammunduru'.

YESAYA 10:7

Mingka karaeng Asyur nia' rancana kalenna. Eroki ampakei katerassanga siagang napaccappu' jaia bansa.

YESAYA 17:12

Para gegere'mi sikamma bansa kassaka; ammarrummi sa'ranna rapang arrunna bombang lompoa.

YESAYA 29:7

Nampa sikontu pasukang bansa maraeng battua ambunduki Yerusalem, kota tampa' pakkoro'bangnganga mae ri Allata'ala, yangasenna tau niaka antammulili siagang ambunduki anjo kotaya, lalanynya' ngasengi rapang so'na ri wattu bangngina.

YEHEZKIEL 26:3

Nakana Batara Kaminang Tinggia, “INakke musunnu he Tirus! LangngerangA' jai bansa battu untu' ambundukiko, siagang labattui ke'nanga sanrapang bombanna tamparanga.

PAMMUJI 83:5

Nakana ke'nanga, “Umba niancuruki bansa Israel, sollanna nikaluppai arenna ke'nanga.”

YEHEZKIEL 38:17

Sai ri sesena ikau naKua'bicara riolo tete ri sikamma atangKu iamintu na'bi-na'bina Israel. Nabotomi ke'nanga angkanaya ri allo labattua sallang laKusuroi taua untu' ambunduki Israel. INakke, Batara Kaminang Tinggia, anne akkana.”

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.