MIKHA 3:5 - KITTA' MATANGKASA'

⁵ Bansaku nitipui ri na'bi-na'bi ambotoai apa bajika mae ri tau assarea doe', mingka namusui siagang nabalang parekangi tau tenaya nassare doe'. Ri na'bi-na'bi kammaya anjo, Nakana Batara,

MIKHA 3:5 Referans Kwoze

YEREMIA 6:14

Anjo bokka'-bokka'na ummakKu nakanangi ke'nanga poro bokka' ca'diji bawang. Nakana ke'nanga, ‘Ah, tenangngapa-apa, yangasenna baji'ji siagang amanji.’ Nampa tena sikali nakamma anjo.

YEREMIA 23:32

INakke, Batara, langngewai na'bi-na'bi ampabattuai so'na-so'nana a'balle-ballea kabusu'. Napa'lingui ummakKu lanri balle-ballena siagang carita kosonna ke'nanga. Tena naKusuroi anjo na'bi-na'bi kammaya. Tena sikali matu-matunna ke'nanga mae ri ummakKu. INakke, Batara, anne akkana.”

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 7:15

“Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga.

MALEAKHI 2:8

Mingka kamma-kamma anne, ikau ngaseng, sikamma imanga, ammengkamako battu ri oloang tojenga. Jai tau anggaukangi salaya lanri ajarang-ajarannu. Nupanrakimi parjanjiang Kupareka siagang ikau ngaseng.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”

YEREMIA 23:27

Nipikkiriki ke'nanga angkanaya lanri anjo so'na-so'na nacaritaya, nakkullemo takkaluppa ummakKu mae ri Nakke sangkamma batena boe-boena ke'nanga takkaluppa ri Nakke nampa anynyomba ri Rewata Baal.

YESAYA 3:12

UmmakKu lanijallakkangi ri tau nangaia a'gau' riba, siagang lanipaccoki ri tau nangaia ammacco' paranna tau. Lanipasala oloangi ummakKu ri sikamma pamimpinna sa'genna tanaassengamo ke'nanga oloang siratanga naolo.”

YO"EL 3:9

Pa'la'bangi pabattu anne passalaka mae ri bansa-bansaya, angkanaya: Sadiako untu' a'bundu siagang ampa'lappoi kagassingannu! Pagioki sikamma tubaraninu siagang tuporea karenanna; passe'rei sikontu tantaraya, siagang maju mako!

PANGNGEBARANG 28:21

Tabajikai nipasimmara'-maraeng taua; mingka nia' todong haking ero' a'gau' jekkong lanri ero'na anggappa sike'de' doe'.

YEREMIA 6:4

Lanakana ke'nanga, “Umba, nakipparuru untu' ambunduki Yerusalem! Umba nanibuccuki anne alloa!” Mingka lanakana pole ke'nanga, “Ai, tarlambakki'! Appakkaramulami battu sassanga, appakkaramulami kacinikang taun-taunta.

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.

HOSEA 4:5

Allo bangngiko anggaukangi kasalanga, kammayatompa sikamma na'bia. Lanri kammana anjo laKupanraki Israel, anronnu.