MIKHA 3:2 - KITTA' MATANGKASA'

² mingka ba'lalo nukabirisi apa bajika, siagang sannangko mae ri kaja'dallanga. Nubi'bi' attallasaki bansaku, siagang nukereki dagenna battu ri buku-bukunna.

MIKHA 3:2 Referans Kwoze

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

PAMMUJI 53:4

Mingka sikontu taua sala gau' ngasemmi siagang panra'mi, manna sitau tania' a'gau' baji'.

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

YESAYA 3:15

Angngapa nanujallakkang ummakKu siagang nupacco' tu kasi-asia? INakke anne, Batara Kaminang Tinggia siagang Kaminang Koasaya, a'bicara mae ri kau ngaseng.”

2 PATTOTTORANG 19:2

nia'mo sitau na'bi niareng Yehu ana'na Hanani battu mange andallekang ri karaenga. Nakanamo anjo na'bia ri ia, “Maka siratangki' ambantui tau ja'dalaka siagang agang mae ri tau birisika ri Batara? Larroi Batara lanri anjo panggaukang kammata.

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

2 TIMOTIUS 3:3

Tena pangngarimangnginna siagang pangngamaseanna ke'nanga, tanangaiyai ampammopporangi paranna tau, nangai nabotto'-bottoki arenna paranna tau, nangai ammassa ri paranna tau, pallaki, siagang birisiki mae ri kabajikanga.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

YOHANES 18:40

Appialimi siagang ammarrang-marrammi ke'nanga, angkana, “Tena, teaki' Ia kilappassang, mingka Barabas!” (Anjo Barabas, iami paella'.)

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

ZEFANYA 3:3

Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

YEHEZKIEL 34:3

Dadi'na nuinungi, bulu-bulunna nupareki pakeang, siagang gimbala' kaminang co'moka nupolongi nampa nukanrei. Tale'bakai nuurusu' sikamma gimbala'nu.

PAMMUJI 15:4

ancini' tunayai tu nitollaka ri Allata'ala, mingka napakala'biriki tu mappilangngeria; anrupaiyai janjinna, manna pole narugi

YESAYA 57:12

Mingka Kupauangko angkanaya, anjo kabajikannu anu nupare'-pare', na sikontu panggaukannu tena matu-matunna mae ri kalennu.

YEHEZKIEL 11:7

Lanri kammana anjo, iNakke, Batara Kaminang Tinggia, Kukana ri kau: Memang, anne kotaya sanrapangi uring, mingka dageng niaka lalang teai ikau, passangalinna maya'na sikamma tau le'baka nubuno! Nampa ikau laKubongkako assulu' battu ri anne kotaya!

YEHEZKIEL 24:4

Bonei dageng antama dageng kaminang bajika; assi salangganna siagang bongganna kammayatompa buku-buku jaia oto'na.

MIKHA 2:8

Appialimi Batara angkana, “Ikaumi ambunduki ummakKu rapang musu. Ammotereki taua battu ri pa'bundukanga na narannuang angkanaya laamangi ri balla'na, mingka ba'lalo attayang mako anjoreng untu' anrampasaki balla'na.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

YESAYA 5:20

Cilakako kau amputara' balekai bajika siagang kodia, singaraka siagang sassanga, te'nea siagang paika!

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.