MIKHA 2:9 - KITTA' MATANGKASA'

⁹ Tubai'-bainea ri ummakKu nubongkai battu ri balla' nakarimangngia, siagang nurampasaki sa'genna satunggu-tungguna barakka' Kupassareanga mae ri ana'-ana'na ke'nanga.

MIKHA 2:9 Referans Kwoze

HABAKUK 2:14

Mingka rapang tamparang rassia siagang je'ne', buttaya lanipirassi tongi siagang pangngassengang ri sesena Batara siagang kakoasanNa.

YEHEZKIEL 39:21

Nakana Batara, “LaKuparhatikangi kala'birangKu mae ri bansa-bansaya. Lanacini' ngasengi ke'nanga antekamma bateKu ampakei kakoasangKu untu' ampa'rupai kaputusang-kaputusangKu adeleka.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

LUKAS 20:47

Nangai ke'nanga antipui siagang angngalle passai balla'na janda-jandaya. Kammayatompa nangai ke'nanga alla'bu-la'bui sambayanna, sollanna akkulle nacokko kaja'dallanna ke'nanga! Iaminjo nateai sipato' battala'na hukkunganna ke'nanga sallang!”

MARKUS 12:40

Sarro nangai tongi ke'nanga natipu janda-jandaya siagang naalleang balla'na. Na sollanna akkulle natongkoki anjo kaja'dallanna ke'nanga, sarro nangai ke'nanga nala'bu-la'bui punna assambayangi. Mingka sanna' battala'na sallang hukkungang lanagappaya ke'nanga!”

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

MIKHA 2:2

Punna ero' ke'nanga ri se'reang koko, narampasaki ke'nanga. Punna eroki ke'nanga ri se'reang balla' naalle passai. Baji' barang-baranga kammayatompa kaluargaya tena nia' amang.

YO"EL 3:6

Pandudu'na Yehuda siagang Yerusalem nuerangi a'lampa bella battu ri pa'rasanganna; nampa nubalukang mae ri bansa Yunani.

YEREMIA 10:20

Panra'mi kemana ikambe, siagang tappu' ngasemmi sikamma otere'na. Tenamo akkulle ambangung kema siagang ampatabai kaeng-kaenna, lanri a'lampa ngasemmi ana'-anaka.”

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.

AMOS 2:7

Najallakkangi ke'nanga tau tenaya pakkullena siagang lammaya, kammayatompa napakabellai tu kasi-asia. Manggea siagang anaka nagauki se'rea ata baine narua-ruai, sa'genna nara'massi areng matangkasakKu.