MIKHA 1:12 - KITTA' MATANGKASA'

¹² Nia'mi battu ri dallekang pakke'bu' lompona Yerusalem bala battua ri Batara! Lanri kammana anjo, tena olona tu Marot anrannuang pannulung.

MIKHA 1:12 Referans Kwoze

YEREMIA 14:19

Batara, maka Kisorongboko taba sikalimi Yehuda na Kikabirisi pandudu'na Sion? Angngapa nasarring kamma pannunrunTa ri kambe sa'genna takkulleamo ammolle ammotere' ikambe? Tena matu-matunna ikambe a'boya kaamangngang, tena bua'-bua'na a'boya pammolleang, nasaba' katerassang bawang nia'.

MIKHA 1:9

Nasaba' bokka'-bokka'na Samaria takkulleai niballei, siagang Yehuda lanituju tongi ri sare kammaya anjo. Battumi balaya mae ri Yerusalem, pakke'bu' lompona butta passolongang cera'na bansaku.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

YEREMIA 8:15

Tena matu-matunta ma'minasa ri kaamangngang siagang ri pammolleang, nasaba' ia niaka sangnging katerassang.

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

AYUB 30:26

Kuminasai mate'nea siagang singaraka, mingka kasukkarrang siagang kasassangang battu.

1 SAMUEL 4:13

Na Eli, sannaka lussa'na ampikkiriki kasalamakkanna Patti ParjanjianNa Batara, sitabangi ammempo ri kaderaya ri birinna aganga, nia' nanawa-nawa. Ri wattu napabattuna anjo taua kabaraka angkanaya nibetai Israel, appiraung lompomi sikontu panduduka ri kotaya.

RUT 1:20

Nakanamo Naomi, “Teako kiokia' Naomi; kio' mama' Mara, nasaba' le'ba'ma' Nabalang parekang Allata'ala Kaminang Koasaya attallasa' lalang ri kapa'risang lompoa.