MATIUS 9:8 - KITTA' MATANGKASA'

⁸ Ri wattunna nacini'mo tau jaia anjo apa kajarianga, malla' ngasemmi ke'nanga; nammuji-mujimo ke'nanga ri Allata'ala, lanri Napa'nyatanamo Allata'ala koasa kammaya lompona mae ri tu linoa.

MATIUS 9:8 Referans Kwoze

LUKAS 7:16

Malla' ngasemmi taua, na mammuji-muji ri Allata'ala. Nakanamo ke'nanga, “Ammumbami na'bi lompoa ri tangnga-tangngata! Nia'mi battu Allata'ala ampasalamaki umma'Na!”

MATIUS 15:31

Lannasa' sikali sikontu tau niaka anjoreng, lanri nacini'na tau pepea akkullemi a'bicara, tau tempanga a'jari baji'mi, tau pesoka a'jappami, siagang tau butaya accini'mi. Ammuji-muji ngasemmi ke'nanga ri Allata'alana bansa Israel.

LAMPA-LAMPANA 4:21

Takkulleami anggappa alasang manna sirupa anjo anggota-anggota sidanga ri pangadelanga, untu' anghukkungi Petrus siagang Yohanes. Jari nagaratta'mi ke'nanga anjo tau ruaya, nampa nalappassang, nasaba' ammuji-muji ri Allata'ala tau jaia passabakkang anjo kajarianga.

LUKAS 23:47

Ri wattunna nacini' perwira pasukanga anjo apa kajarianga, ammujimi ri Allata'ala. Nakana, “Kontu tojengi, anne taua ma'nassa tena nasala!”

LUKAS 17:15

Ri wattunna naasseng kalenna angkana baji'mi, nia'mo kalase'renna ke'nanga ammotere' a'rannu-rannu mammuji ri Allata'ala.

MARKUS 2:12

Ambangummi nai' anjo taua, na naalle memang tappere'na, nampa a'lampa assulu' niciniki ri tau jaia. Sanna' ngaseng lannasa'na anjo tau jaia. Ammuji-mujimi ke'nanga ri Allata'ala. Nakanamo ke'nanga, “Tena le'bakkapaki' accini' kajariang kammaya anne!”

GALATIA 1:24

Jari, ammuji-mujimi ke'nanga ri Allata'ala, passabakkang inakke.

YOHANES 15:8

Punna jai rapponnu, nipakala'biriki ManggeKu; na lanri kammana minjo nu'jari tojeng-tojemmo ana'-ana' gurungKu.

LUKAS 13:13

Nampa Napadongko' limanNa Isa irateanganna anjo bainea; na anjo wattua akkullemi ammenteng silalonna anjo bainea, nampa ammuji-muji ri Allata'ala.

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

LAMPA-LAMPANA 21:20

Le'baki nalangngere' ke'nanga anjo caritana Paulus, ammuji-muji ngasemmi ke'nanga mae ri Allata'ala. Nampa nakanamo ke'nanga ri Paulus, “Paulus! Parallui nuasseng sari'battang, angkanaya assa'bu-sa'bumi tu Yahudi a'jari tappa' ri Isa. Najarre' ngaseng ke'nanga angkatutui sikamma parentaNa Allata'ala, le'baka napabattu Musa.

MARKUS 7:37

Nalannasa' ngasemmo taua allangngereki. Nakana ke'nanga, “Napa'jari baji' ngasemmi tau garringa! Ba'lalo Napa'jarimi allangngere' tau tongoloka, siagang a'bicara tau pepea!”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

MATIUS 12:23

Lannasa' ngasemmi siagang angkanami taua, “Maka iaminne Ana'na Daud, le'baka nipa'janjiang?”

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

MATIUS 9:7

Ambangummi nai' anjo tau pesoka, nampa ammotere' mange ri balla'na.

LUKAS 2:20

Ammotere'mi ke'nanga mange ri paranga, mammuji-muji siagang napakala'biri'mi ke'nanga Allata'ala, lanri yangasenna anjo kajariang le'baka nalangngere' siagang nacini' ke'nanga, tena le'ba' sisalana siagang anjo apa le'baka napau malaekaka mae ri ke'nanga.

LUKAS 17:18

Angngapa naiaji bawang anne tau battu pantarang pa'rasanganga ammotere' appala' sukkuru' ri Allata'ala?”

LUKAS 18:43

Anjo wattua, akkulle memammi accini' silalonna. Nampa amminawang ri Isa, siagang appala' sukkuru'mi ri Allata'ala. Nacini'na tau jaia anjo apa kajarianga, ammuji-muji ngasemmi ke'nanga ri Allata'ala.

2 KORINTUS 9:13

Na battu ri iami anjo kabajikang nupappicinikanga, najaimo tu Karisteng ri Yudea lamammuji mae ri Allata'ala. Lanri nacini'na ke'nanga antekamma jarre'nu mae ri Kabara' Baji' nupinawanga, iamintu ri sesena Almasi. Kammayatompa mammujimi ke'nanga ri Allata'ala lanri lammoro'na pa'mai'nu ambage-bagei ke'nanga siagang tau maraenga, apa-apa niaka ri kau.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.