MATIUS 9:30 - KITTA' MATANGKASA'

³⁰ Apaji nakkullemo accini' ke'nanga. Napakainga' dudumi Isa ke'nanga, sollanna tena napaui ke'nanga anjo kajarianga manna pole ri nai.

MATIUS 9:30 Referans Kwoze

LUKAS 5:14

Napisangkaimi Isa anjo taua ancaritai anjo passalaka, manna pole ri nai. Nakanamo ri anjo taua, “A'lampamako mae ri imanga nampa nusuro amparessai kalennu. Nampa a'lampako mange assare koro'bang situru' napassuroanga Musa. Iaminjo a'jari butti ri taua angkanaya ma'nassa baji' mako ri garrinnu.”

MATIUS 8:4

Le'baki anjo Nakanamo pole Isa ri anjo taua, “U'rangi! Tea' laloko caritai anne kajarianga manna pole ri nai. Mingka a'lampamako mange ri imanga, na nusuro paressa kalennu ri ia. Le'baki anjo, a'lampamako mange assare koro'bang situru' napassuroanga Musa; iaminjo a'jari butti ri taua angkanaya ma'nassa baji' mako ri garrinnu!”

LUKAS 8:56

Lannasa' sikalimi tau toana anjo anaka. Mingka Napisangkaimi Isa ke'nanga ampaui anjo apa kajarianga manna pole ri nai.

MARKUS 5:43

Mingka Napisangkai dudumi Isa ke'nanga ampappiassengangi anjo kajarianga manna pole ri nai. Nampa Nakana Isa, “Sarei kanre anjo anaka.”

MATIUS 17:9

Ri wattunna naung ke'nanga battu ri monconga, appasammi Isa ri ke'nanga Nakana, “Teako niakki ancaritai anjo kajariang nucinika sumpaeng manna ri nai, punna tenapa nipabangungi Ana' Ma'rupataua battu ri kamateanga.”

MATIUS 12:16

Mingka Napisangkaimi ke'nanga ancaritai anjo apa Nagaukanga Isa mae ri tau maraenga.

YESAYA 52:13

Nakana Batara, “Sikontutojenna la'jari apa nagaukanga atangKu; lanipakalompoi siagang lanipakatinggi.

YESAYA 42:7

Untu' ansungkei matanna tau butaya, siagang allappassangi taua battu ri sassanna tarungkua.

YESAYA 35:5

Anjo wattua tau butaya lakkullei accini', na tau tongoloka lakkullei allangngere'.

PAMMUJI 146:8

siagang ampa'jari tau butaya akkulle accini'. Napabangungi tau tu'guruka, siagang Nakamaseangi tau lambusuka.

MARKUS 1:43

Nampa Nasuro Isa a'lampa anjo taua. Na Napasang angkana,

MARKUS 3:12

Mingka Napisangkai dudumi Isa anjo roh-roh ja'dalaka ampappiassengangi KalenNa mae ri taua.