MATIUS 9:12 - KITTA' MATANGKASA'

¹² Nalangngere'na Isa pakkuta'nanna ke'nanga, appialimi Isa Nakana, “Tu tenaya nagarring tena naparallu ri dottoro', passangalinna tu garringaji.

MATIUS 9:12 Referans Kwoze

LUKAS 5:31

Appialimi Isa Nakana, “Tau tenaya nagarring, tena naparallu ri dottoro'; mingka tau garringaji parallu.

LUKAS 9:11

Mingka naassenna taua angkanaya la'lampai Isa, amminawang tommi ke'nanga. Nitarimami ke'nanga ri Isa, nampa Nacarita ri ke'nanga ri passala' antekamma bateNa ammarenta Allata'ala salaku Karaeng. Kammayatompa Naballei tommi tau garringa na'jari baji'.

MARKUS 2:17

Nalangngereki Isa akkuta'nang kamma ke'nanga, appialimi Nakana, “Tau tenaya nagarring, tena naparallu ri dottoro', passangalinna tau garringaji. Teai tau nakanaya kalenna baji' battu Kuboya, passangalinna tau nicini' tunaya.”

YEREMIA 33:6

Mingka sallang laKupakabajiki ammotere' anne kotaya siagang pandudu'na; lakassaki ammotere' ke'nanga. LaKusarei ke'nanga kasalewangang siagang kaamangngang alla'bia.

YEREMIA 17:14

Batara, Kipammollea', nakua'jari akkamale. Pasalamakka', nakuakkulle salama'. IKatteji bawang Kupakala'biri'!

PAMMUJI 147:3

Napammollei tau la'baya pa'mai'na, siagang Naballei loko'na ke'nanga.

HOSEA 14:4

Takkulleai Asyur ampasalamaki ikambe, siagang jarang pa'bundukanga takkulleai antulungi ikambe. Tenamo nalakkio' Allata'ala ikambe mae ri patung-patung napareka ikambe. O, Batara, Kikamaseangi sikamma tau tenaya apa-apa lanapattoang lampasalamaki.”

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

LUKAS 8:43

Nia' tommo ri alla'na ke'nanga sitau baine; anjo bainea sampulomi anrua taung garring nalari cera'. La'busu'mi barang-baranna napangngongkosang mae ri dottoroka, mingka tena manna sitau akkulle amballei.

PAMMUJI 41:4

Lanitulungi ri Batara ri wattunna garring, siagang lanipammollei ammotere' ri garrinna.

PAMMUJI 6:2

O, Batara, teaKi' kapallakkia' lalang pangngalarroinTa, teaKi' hukkungia' lalang kalussakkangku.

YEREMIA 8:22

Apa kutadeng lanrinna nasa'genna kamma-kamma anne tena memampa nammolle bansaku? Maka tenamo dottoro' yareka pa'balle ri sikontu Gilead?

KOLOSE 4:14

Dottoro' Lukas, nikarimangngia, siagang Demas, akkiring tongi sallang mae ri kau ngaseng.

MATIUS 18:11

Nasaba' tau sala oloanga ero' Napasalama', nabattu Ana' Ma'rupataua!]