MATIUS 8:8 - KITTA' MATANGKASA'

⁸ Mingka appialimi anjo perwiraya nakana, “Tea' maKi' mangei ri ballakku Bapa'. Nasaba' tena nakusiratang Kibattui ri ballakku. Kiparentakang mami bawang, ma'nassa la'jari baji'mi antu pajamaku.

MATIUS 8:8 Referans Kwoze

PAMMUJI 107:20

Napammollei ke'nanga siagang parentaNa, na Nalappassang ke'nanga battu ri kali'bong kuburuka.

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

MATIUS 8:3

Naangka'mi limanNa Isa naNajama anjo tau garring salaya, na Nakana, “Kuerokangi, a'jari baji' mako!” Apaji nammari memammo silalonna garrinna anjo taua.

YOHANES 1:27

Ia battu ri bokoangangku, mingka manna alla'gasiangi passikko' sapatuNa tena todong nakusiratang.”

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

LUKAS 15:21

Nakanamo anjo anaka, ‘O Bapa', dorakama' mae ri Allata'ala siagang mae ri katte. Tenamo kusiratang nikana anatta.’

LUKAS 15:19

Tenamo nakusiratang nibilang ana' ri katte. Kipare' mama' tau anjama-jamata.’

MATIUS 3:14

Mingka taerokai Yohanes anje'neki. Nakana Yohanes, “Inakkeji siratang Kije'ne' Bapa'. Mingka ba'lalo iKatte battu mae assuro je'neki KalenTa ri nakke.”

PAMMILANGNGANG 20:8

“Allei takkang niaka ri dallekanna Patti Parjanjianga, nampa ikau siagang Harun musti nupasse'rei sikontu ummaka. Ri dallekanna ngaseng ke'nanga, musti akkanako mae ri bulu' batu niaka anjoreng sollanna appasulu' je'ne'. Kammaminjo batenu ampasuluki je'neka battu lalang ri anjo bulu' batua sollanna akkulle angnginung ra'yaka siagang olo'-olo' piarana ke'nanga.”

PAMMUJI 10:17

Batara, Kipilangngeri pappala' doanna tau tunaya na Kipakajarre' pa'mai'na ke'nanga.

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

MATIUS 8:7

Nakanamo Isa, “ErokKa' a'lampa mange amballei, sollanna a'jari baji'.”

MATIUS 8:9

Nasaba' manna inakke amminawang turu' tonja' ri parentana komandang irateangangku. Irawangangku nia' todong siapa are kupimping surudadu, amminawang turuka todong ri parentaku. Punna nia' surudadu kusuro angkana, ‘A'lampako,’ tena ta'lampana. Yareka punna kukana ri maraenganga, ‘Maeko anrinni,’ tena tabattuna mae; kammayatompa punna kuparenta tunisuro-suroku angkana, ‘Gaukangi anne!’ tena tanagaukanna anjo kupassuroanga.”