MATIUS 8:31 - KITTA' MATANGKASA'

³¹ Napala' dudumi anjo setang-setanga ri Isa angkana, “Punna lanusuroki' assulu' battu lalang ri kalenna anne taua, suromi kambe antama' anjoreng ri bawi-bawia.”

MATIUS 8:31 Referans Kwoze

MARKUS 5:12

Napala'mi anjo roh-roh ja'dalaka ri Isa, nakana, “Suro ngasemma' antama' anjoreng ri bawi-bawia.”

PAPPICINI' 12:12

Lanri kammana, parallui ma'rannu-rannu surugaya siagang sikontu tau niaka ammantang lalang! Mingka cilakami buttaya siagang tamparanga, nasaba' naummi Billisika mae ri kau sanna' larrona, lanri naassenna angkana sinampe' mami wattunna.”

MARKUS 5:7

Ammarrang lompomi nakana, “O Isa, Ana'Na Allata'ala Kaminang Tinggia! Apa ero' Nugaukang ri nakke? Nasaba' Allata'ala, kupalaki ri Katte, tea' laloKi' sessaia'!” (

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

MATIUS 8:30

Tena nabella battu anjoreng ri tampaka, jai sikali bawi sitabang a'boya kanre.

MATIUS 8:32

Nakanamo Isa, “A'lampamako!” Assulu'mi anjo setang-setanga battu lalang ri kalenna anjo tau ruaya. Nampa a'lette' antama' anjoreng ri bawi-bawia a'lampa mange ambuangi kalenna naung ri tubirika ri tamparanga sa'genna tallang ngaseng.