MATIUS 8:30 - KITTA' MATANGKASA'

³⁰ Tena nabella battu anjoreng ri tampaka, jai sikali bawi sitabang a'boya kanre.

MATIUS 8:30 Referans Kwoze

MARKUS 5:11

Tena nabella battu ri anjo tampaka, jai sikali bawi sitabang a'boya kanre ri bonto-bontoa.

PAOLE 14:8

Teako angnganrei bawi. Anjo olo'-olo' kammaya harangi lanri manna nappangka kanukunna mingka tena na'mama. Takkulleai nikanre dagenna siagang takkulleai nisero bakkena.

KAIMANGNGANG 11:7

Teako angnganrei bawi. Anjo olo'-olo' kammaya harangi, nasaba' manna nappangka kanukunna, mingka tena na'mama.

LUKAS 8:32

Tena nabella ri anjo tampaka, nia' jai sikali bawi sitabang a'boya kanre ri tompo'na bonto-bontoa. Napala' dudumi anjo setang-setanga sollanna nikellai antama' anjoreng ri bawi-bawia. Naniturukiammo pappala'na ke'nanga ri Isa.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

MATIUS 8:29

Battu lalangi ke'nanga assulu' ri pa'jerakkanga akkiok-kio' angkana, “E Ana'Na Allata'ala! Apa ero' battu nugaukang ri kambe? Ero' mako battu ansessai kambe, manna tanarapikapa wattunna?”

MATIUS 8:31

Napala' dudumi anjo setang-setanga ri Isa angkana, “Punna lanusuroki' assulu' battu lalang ri kalenna anne taua, suromi kambe antama' anjoreng ri bawi-bawia.”