MATIUS 8:15 - KITTA' MATANGKASA'

¹⁵ Najamami Isa limanna anjo tau garringa, sa'genna ammari memang silalonna garrinna. Ambangummi nai', nampa mange allayani Isa.

MATIUS 8:15 Referans Kwoze

2 KARAENG-KARAENG 13:21

Ri se'reang allo, ri wattunna nia' siapa are tau attarawang tumate, ti'ring nia' nacini' ke'nanga garombolang tu Moab battu. Napela' mami ke'nanga anjo mayaka antama' ri jera'na Elisa nampa lari. Kamma tassento'na anjo mayaka ri kitta'-kitta'na Elisa, attallasa' poleammi ammotere' anjo mayaka nampa ammenteng.

LUKAS 8:54

Mingka Nata'gala'mi Isa limanna anjo anaka nampa Nakana, “Ambangungko na'!”

MARKUS 1:41

Tu'guru'mi pangngamaseanNa Isa anciniki anjo taua. Jari Nata'gala'mi anjo taua na Nakana, “Kukaerokangi, a'jari baji' mako!”

MATIUS 20:34

Tu'guru'mi pangngamaseanNa Isa ri ke'nanga. Najamami matanna ke'nanga, nakkulle memammo accini' silalonna. Nampa amminawammi ke'nanga ri Isa.

MATIUS 14:36

Napala'mi ke'nanga sollanna nipa'biang ke'nanga anjamai jubaNa Isa, manna cappa'naja. Na sikontu tau garring anjamayai jubaNa, a'jari baji' ngasemmi.

MATIUS 9:29

Jari Najamami Isa matanna ke'nanga siagang Nakana, “Lanri tappa'nu, a'jarimi ri kau apa numinasaia.”

MATIUS 9:20

Ri tangngana aganga, nia'mo sitau baine battu ri boko a'reppese' mae ri Isa. Anjo bainea sampulomi anrua taung garring nalari cera'. Na nakana pikkiranna, “Manna kuseroja bawang jubaNa, akkullema' a'jari baji' ri garringku.” Jari naseromi jubaNa Isa.

MATIUS 8:3

Naangka'mi limanNa Isa naNajama anjo tau garring salaya, na Nakana, “Kuerokangi, a'jari baji' mako!” Apaji nammari memammo silalonna garrinna anjo taua.

YESAYA 6:7

Naseroi muncengku siagang anjo bara pepeka na nakana, “Anne baraya le'ba'mi nasero muncennu. Kamma-kamma anne le'ba'mi nilu'lu' kasalannu siagang Napammopporang Batara dosanu.”

MATIUS 8:14

A'lampami Isa mange ri balla'na Petrus. Narapikammi matoang bainena Petrus garring rammusu' irate ri katinroanga.

MATIUS 8:16

Ri wattunna appakkaramulamo karuenga, jaimi tau nisoso' ri setang nierang mange ri Isa. Naporo sibukuji bawang kana Napau Isa naNabongkamo assulu' anjo setang-setanga battu ri yangasenna anjo tunisosoka ri setang, kammayatompa naNaballei ngaseng tommo sikontu tau garringa.

MARKUS 1:29

A'lampami Isa siagang ana'-ana' gurunNa ambokoi anjo balla' sambayanga, nampa mange ri balla'na Simon siagang Andreas. A'lampa tongi Yakobus siagang Yohanes siagang ke'nanga.