MATIUS 8:10 - KITTA' MATANGKASA'

¹⁰ Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!

MATIUS 8:10 Referans Kwoze

LUKAS 7:9

Sanna' lannasa'Na Isa allangngereki anjo pappasanna perwiraya. Assailemi nampa Nakana mae ri tau jai niaka amminawang ri Ia angkana, “Teai sipato' anne taua. Manna ri alla'na bansa Israelka tena tompa naKule'ba' ammuntulu' tau lompo kammaya anne tappa'na!”

MATIUS 15:28

Nakanamo Isa ri anjo bainea: “Ibu', teai sipato' lompona tappa'nu. Boli'mi kamma na'jarimo apa nukaerokia!” Apaji naia memang anjo wattua na'jari baji' poleammo ana'na anjo bainea.

MARKUS 6:6

Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

LUKAS 7:50

Mingka Nakanamo pole Isa ri anjo bainea, “Nipasalama' mako lanri tappa'nu mae ri Nakke. A'lampamako siagang pakasannammi pa'mai'nu!”

LUKAS 5:20

Ri wattunna Nacini' Isa antekamma tappa'na ke'nanga, Nakanamo ri anjo tau pesoka, “Sari'battang, nipammopporammi dosanu.”

PA'JARIANG 43:33

Sikamma sari'battanna Yusuf assidallekangi mejanna siagang mejanna Yusuf. Nisusungi ke'nanga ammempo situru' massing umuru'na ke'nanga. Appakaramula ri kaminang toaya sa'genna ri bungkoa. Nacini'na ke'nanga antekamma carana niatoro' anjo kammaya, assicini'-cinikimi ke'nanga siagang lannasa'.

MATIUS 8:9

Nasaba' manna inakke amminawang turu' tonja' ri parentana komandang irateangangku. Irawangangku nia' todong siapa are kupimping surudadu, amminawang turuka todong ri parentaku. Punna nia' surudadu kusuro angkana, ‘A'lampako,’ tena ta'lampana. Yareka punna kukana ri maraenganga, ‘Maeko anrinni,’ tena tabattuna mae; kammayatompa punna kuparenta tunisuro-suroku angkana, ‘Gaukangi anne!’ tena tanagaukanna anjo kupassuroanga.”

MATIUS 8:11

Memang, jai tau lania' battu iraya siagang battu ilau' ero' a'rannu-rannu siagang Abraham, Ishak, siagang Yakub, lalang ri Lino BeruNa Allata'ala.

LAMPA-LAMPANA 2:7

Lalang lannasa'na siagang takkajanna'na ke'nanga, nakanamo ke'nanga, “Sikontu anjo tau a'bicaraya sangnging tu Galilea!