MATIUS 8:1 - KITTA' MATANGKASA'

¹ Naungi Isa battu ri bontoa, najaimo tau ampinawangi.

MATIUS 8:1 Referans Kwoze

MATIUS 8:18

Jai sikali tau antammulili Isa. Nacini'na ngaseng Isa ke'nanga, Nasuromi ana'-ana' gurunNa a'lampa a'limbang ri tamparanga.

MATIUS 4:25

Jai sikalimi tau amminawang ri Isa anjo wattua. Nia' tu battu ri Galilea, tu battu ri Sampulo Kota, battu ri Yerusalem, tu battu ri Yudea, kammayatompa nia' todong tu battu ri pa'rasangang ba'leanna Binanga Yordan.

LUKAS 5:15

Mingka pila' tassiara'mi kabara'Na Isa ri kere-keremae. Jaimi tau battu ero' ampilangngeri apa Napabattua, siagang ero' assuro ballei garrinna ke'nanga.

MARKUS 3:7

A'lampami Isa siagang ana'-ana' gurunNa mange ri Tamparang Galilea. Jai sikalimi tau battu ri Galilea ampinawangi Isa. Jai todong battu ri Yudea,

MATIUS 20:29

Ri wattunna nabokoimo ke'nanga Yerikho, jaimi tau amminawang ri Isa.

MATIUS 19:2

Jaimi tau ampinawangi. Naballeimi sikamma tau garring niaka anjoreng.

MATIUS 15:30

Jaimi tau ambattui. Nia' angngerang tau tempang, tau buta, tau peso', tau pepe, siagang a'rupa-rupa garring maraengang. Niboli'mi ri dallekanNa Isa yangasenna anjo tau garringa. Nampa Naballei Isa na'jari baji' ngaseng silalonna.

MATIUS 12:15

Naassengi Isa angkanaya niakkali ero' nibuno ri anjo tu Farisia. Jari a'lampami ambokoi anjo tampaka. Jaimi tau ampinawangi. Naballei ngasemmi sa'genna a'jari baji' sikontu tau garringa.

MATIUS 7:29

Lanri lompo sikali pangaruNa nilangngere' bateNa a'bicara. Tasangkammayai batena guru-guru agamana ke'nanga.

MATIUS 8:2

Anjo wattua nia' tommo se're tau garring sala battu akkulantu' ri dallekanNa Isa angkana, “O, Bapa', punna Kierokangi akkulleKi' amballeia' ku'jari baji' ri garringku.”