MATIUS 7:28 - KITTA' MATANGKASA'

²⁸ Le'ba'na Isa angngajara', teaimi sipato' lannasa'na ngaseng tau jaia allangngereki anjo apa Napangngajarranga.

MATIUS 7:28 Referans Kwoze

LUKAS 4:32

Lannasa'mi ke'nanga allangngereki bateNa angngajara', nasaba' lompoi pangaruNa punna a'bicarai.

MARKUS 1:22

Lannasa' ngasemmi sikamma taua allangngereki caraNa angngajara'. Nasaba' lompoi pangaruNa punna angngajaraki. Tena nasangkamma carana guru-guru agamaya.

YOHANES 7:46

Appialimi anjo pangawalaka ngaseng nakana, “Edede, tenanniakkapa tau kamma Ia a'bicara!”

MARKUS 6:2

Ri allo Pammari-marianga, appakkaramulami angngajara' lalang ri balla' sambayanga. Jai tau anjoreng. Ri wattu nalangngere'na pangngajaranNa Isa, lannasa' sikalimi ke'nanga. Nakanamo ke'nanga, “Battu kemae ngasengi nagappa pangngajarang kammaya anne taua? Pangngissengang apa kutadeng, anne niaka ri taua? Antekamma nakkulle appa'nia' gau' appakalannasa'?

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

YOHANES 7:15

Lannasa' ngasemmi tukoasana tu Yahudia, siagang nakanamo ke'nanga, “Antekamma nakkulle jai kamma Naasseng anne taua, natale'baka assikola?”

MATIUS 22:33

Nalangngere'na tau jaia akkana kamma Isa, lannasa' ngasemmi ke'nanga ri pangngajaranNa.

LUKAS 19:48

Mingka lanri tuli jaina tau ampilangngeri kana-kananNa, siagang lanri nangaina ngaseng tau jaia ampilangngeri anjo kana-kana Napabattua Isa, tenamo nakkulle ke'nanga anggappa oloang anggaukangi pattujunna.

MARKUS 11:18

Nalangngereki imang-imang kapalaya siagang guru-guru agamaya anjo kana-kananNa Isa. Jari appakkaramulami ke'nanga a'boya akkala' ero' ambunoi Isa. Malla'mi ke'nanga ri Ia, lanri lannasa' ngasemmi taua allangngereki apa-apa Napangngajarranga.

MATIUS 26:1

Le'ba'na Napangngajarrang ngaseng Isa anjo sikammaya, Nakanamo ri ana'-ana' gurunNa,

MATIUS 11:1

Le'baki Naajara' Isa anjo sampuloa anrua ana' gurunNa, a'lampami ambokoi anjo tampaka. A'lampami mange angngajara' siagang ampa'la'bangi pappasanNa Allata'ala ri kota-kota ambania anjoreng.

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

MATIUS 19:1

Le'ba'na Napau ngaseng Isa sikammaya anjo, Nabokoimi Galilea, nampa a'lampa mange ri daera Yudea, ri ba'leanna Binanga Yordan.

MATIUS 7:27

Ri wattunna battu bosia siagang a'baya kammayatompa anging barubua antujui anjo ballaka, anra'bami. Nateaimi sipato' sanna'na panra'na anjo ballaka!”

MATIUS 7:29

Lanri lompo sikali pangaruNa nilangngere' bateNa a'bicara. Tasangkammayai batena guru-guru agamana ke'nanga.

LUKAS 2:47

Sikontu tau allangngerekai lannasa' ngasemmi lanri sanna' cara'de'Na a'bicara.

LUKAS 7:1

Le'baki Napau Isa sikamma anjo passalaka mae ri tau jaia, a'lampami mange ri Kapernaum.