MATIUS 7:21 - KITTA' MATANGKASA'

²¹ “Tayangasenga tau akkioka ri Nakke angkana, ‘O, Batara, o, Batara,’ la'jari umma'Na Allata'ala; mingka iaji bawang tau anggaukangai ero'Na ManggeKu ri suruga.

MATIUS 7:21 Referans Kwoze

ROMA 2:13

Nasaba' teai lanri naassennamo taua hukkung agamana tu Yahudia nampa akkulle assibajiki ammotere' siagang Allata'ala; passangalinna lanri nagaukannamo anjo apa-apa tattulisika lalang ri anjo hukkung-hukkunga.

LUKAS 6:46

“Angngapa nukkio', ‘Batara, Batara’ ri Nakke, mingka taerokako anggaukangi apa Kupaua ri kau?

YAKOBUS 1:22

Parallui nugaukang apa-apa Napaua Allata'ala; teako poro nullangngere'naja bawang, sa'genna sangkammami nuballe-ballei kalennu.

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

IBRANI 4:6

Jari anjo ke'nanga uru-uru allangngerekai anjo Kabara' Bajika, talanagappayai tampa' pammari-marianga, lanri tenana natappa' ke'nanga. Jari punna kamma, ma'nassami angkanaya nia' tau maraeng akkulle anggappai anjo tampa' pammari-marianga.

YOHANES 6:40

Memang, iaminne Nakaerokanga ManggeKu: Sikamma tau ancinikai Anaka na tappa' ri Ia, nagappami katallassang satunggu-tunggua, siagang laKupattallasa' poleangi sallang ri Allo Kiamaka.”

PAPPICINI' 3:5

Ia ammetaya lanisarei pakeang kebo'. TalaKupasulukai areng-arenna ke'nanga lalang ri Kitta'na Tau Attallasaka. Na ri dallekanNa ManggeKu siagang malaeka'-malaeka'Na, laKuakui ke'nanga angkanaya anjo ke'nanga ma'nassa taungKu ngaseng.

1 PETRUS 4:2

Lanri kammana, paralluko anturuki ero'Na Allata'ala lalang tallasa' lanudallekanga pole, ri anne linoa siagang teai kaerokang rupatau nuturuki.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

MATIUS 12:50

Inai-nai anggaukangi ero'Na ManggeKu ri suruga, iami siratang a'jari sari'battangKu, siagang siratanga a'jari ammakKu.”

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

YOHANES 3:5

Appialimi Isa Nakana, “Kontu tojeng sikali anne kanangKu: punna tena nilassukang poleangi battu ri je'neka siagang RohNa Allata'ala, takkulleai taua a'jari umma'Na Allata'ala.

MATIUS 18:3

Nampa Nakana Isa, “Patappaki anne kanangKu! Punna a'jari kammako anne ana'-anaka, nampa mako akkulle a'jari umma'Na Allata'ala.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

MARKUS 3:35

Inai-nai anggaukangi ero'Na Allata'ala, iami sari'battangKu bura'ne, sari'battangKu baine, kammayatompa iami ammakKu.”

1 TESALONIKA 5:18

Lalang yangasenna katallassannu paralluko tuli appala' sukkuru'; nasaba' iaminjo Nakaerokanga Allata'ala mae ri kau salaku tau ampakase'reai katallassanna siagang Isa Almasi.

EFESUS 6:6

Teako angkanaya nijagaipako nampa nugaukang anjo kammaya, lanri ero'nuji nipalece ri rupataua. Mingka parallui nugaukang sangkamma atanNa Almasi, mannurukia ri ero'Na Allata'ala sikalepu pa'mai'.

1 PETRUS 2:15

Nasaba' Nakellai Allata'ala sollanna lanri nugaukanna panggaukang bajika nakkullemo nujempang bawana sikamma tau a'bicara salaya.

MATIUS 25:21

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako nakisiagang assannang-sannang!’

1 TESALONIKA 4:3

Iaminne Nakaerokia Allata'ala: Nikellaiko sollannu matangkasa' lalang tallasa'nu, untu' KalenNa siagang nupakabella kalennu battu ri a'gau' bawanga.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

LUKAS 13:25

Ri wattunna ambangung patanna balla' siagang natongko' pakke'bu'na, ammentengko pantaranganna ballaka nanukatto'-katto' pakke'buka nukana, ‘Karaeng, kisungke sai pakke'buka!’ Lappialimi anjo karaenga nakana, ‘Takuassengako angkana tau battu kemaeko!’

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

LUKAS 18:25

Lomoangangi sikayua unta antama' ri so'bolo' jarunga, kala sitaua tu kalumanynyang antama' ri Lino BeruNa Allata'ala.”

MARKUS 9:47

Punna passala' matannu nudoraka, kocciki assulu' anjo matannu! Bajikangangi tenaya siali matannu assala' antamakko ri Lino BeruNa Allata'ala, kala anggannaka rua matannu mingka nipelakko antama' ri naraka.

MATIUS 19:24

Siagang Kukana pole ri kau ngaseng; la'bi akkulleangangi sikayua unta antama' ri so'bolo' jarunga kala tau kalumanynyanga lantama' ri Lino BeruNa Allata'ala.”

MATIUS 18:35

Na ri kala'busang caritaNa Isa Nakanamo, “Kammatommi anjo sallang laNagaukanga ManggeKu ri kau ngaseng, punna tena nuero' ampammopporangi sari'battannu siagang ati maci'nonnu.”

YOHANES 15:23

Inai-nai angkabirisiA', nakabirisi tommi ManggeKu.

MATIUS 26:42

A'lampami pole Isa appala' doang maka pinruanna angkana, “O, ManggeKu, punna paleng takkulleami nipakabella anne passessaya ri Nakke, natakkullea taKupisa'ringi, boli'mi kamma Kipa'jari erotTa.”

MATIUS 16:17

Nakanamo Isa, “Upa' sikaliko kau Simon ana'na Yona! Nasaba' teai rupataua ampauangko anne, mingka ManggeKu ri suruga.

YOHANES 14:7

Punna nuassemMa', mattantu lanuasseng tommi ManggeKu. Kamma-kamma anne nuassemmi, siagang nucini'mi.”

YOHANES 5:17

Mingka Nakanamo Isa ri ke'nanga, “Sa'genna kamma-kamma anne tuli anjamana BapakKu, jari iaminjo naKuanjama todong.”

MATIUS 26:39

A'lampa bella-bellami Isa sike'de' mange ri dallekang, nampa su'ju' naung ri buttaya appala' doang angkana, “O, ManggeKu, ka'de' nia' kulleanna, pabellami anne passessaya ri Nakke. Mingka teaKi' naerokKu anjari, passangalinna erotTamo anjari.”

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

MATIUS 18:19

Kammayatompa asseng tongi angkanaya: Punna nia' rua tau ri kau assamaturu' ri apa-apa mamo nampa appala' doang ri Allata'ala laNatarimai ManggeKu ri suruga pappala'na.

MATIUS 25:10

A'lampami anjo tulolo toloa mange ammalli minynya' tana ri ga'dea. Lalang a'lampana ke'nanga, battumi bunting bura'nea. Antama'mi anjo tulolo cara'deka anrurungangi anjo bunting bura'nea ri tampa' passua'-suarranga, nampa nitongko' pakke'buka!