MATIUS 7:13 - KITTA' MATANGKASA'

¹³ “Pakke'bu' seppaka nuolo antama, lanri luaraki oloang mangea ri kapanrakanga, kammayatompa lompoi pakke'bu'na, najaimo tau angngolo anjoreng.

MATIUS 7:13 Referans Kwoze

PANGNGEBARANG 16:25

Nia' oloang lambusuki cinikanna, mingka kala'busanna anjo oloanga mangei ri kamateanga.

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YOHANES 10:9

INakkemi timungang. Inai-nai ammalo battu ri Nakke antama', iami lanipasalama'; assulu' antamai nanggappa kanre.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

PANGNGEBARANG 9:6

Bokoi kadongokanga, sollannu attallasa' mate'ne. Pinawangi oloanna tau cara'deka.”

GALATIA 5:24

Inai-nai a'jarimo taunNa Almasi, matemi sipa'-sipa' rupatauna siagang sikamma ero' napasu rupatauna.

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MATIUS 3:8

Pappicinikammi rolong lalang ri panggaukannu, sollanna ma'nassamo angkanaya toba' tojeng mako battu ri gau' dosa-dosanu.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

PAPPICINI' 20:3

Nampa napela' malaekaka anjo nagaya antama' ri tubiri'na kamateanga, nampa nakonci siagang nasegele' anjo tubirika sollanna tenamo nakkulle antipui bansa-bansaya ilalang tenanapa nala'busu' anjo wattu sisa'bua taung. Le'baki anjo nilappassammi ammotere' untu' poro sinampekang.

1 YOHANES 5:19

Niassemmi angkanaya ikatte anne tau battuki' ri Allata'ala, manna pole nanikoasaimo sikontu linoa ri I Ja'dala'.

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

PA'JARIANG 6:12

Nacinikimi Allata'ala anjo linoa, na sangnging kaja'dallang mami Nacini', lanri sikamma rupataua ja'dala' ngasemmi lalang tallasa'na.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

LUKAS 14:33

Kala'busanna Nakanamo Isa, “Ikau kamma ngaseng tommako anjo. Tenanniakka manna sitau lakkulle a'jari ana' gurungKu, punna taerokako ambokoi ngasengi apa-apa niaka ri kau.”

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

LUKAS 9:33

Ri wattunna la'lampamo anjo tau ruaya ambokoi Isa, angkanami Petrus ri Isa, “Pa' Guru, baji' sikali nisa'ring pakkasiaka anrinni. Bajiki punna apparekki' kema: se're untu' iKatte, se're untu' Musa, na se're untu' Elia.” (Kammaminjo kananna Petrus, mingka tanapahangai anjo apa napaua.)

PANGNGEBARANG 7:27

Punna a'lampa taua mae ri balla'na, sangkammami angkana angngallea oloang pammolongang mange ri kamateanga.

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

MATIUS 7:14

Mingka seppaki siagang sukkaraki pakke'bu' angngoloa mange ri katallassanga, nasike'de'ji tau angngolo anjoreng.”