MATIUS 6:4 - KITTA' MATANGKASA'

⁴ Boli'mi kamma na Allata'ala Manggenu ri suruga bawang anciniki siagang angngassengi anjo passidakkanu. Iami sallang assareko pahala lanri assarenu passidakka.”

MATIUS 6:4 Referans Kwoze

MATIUS 6:18

sollanna tena naassengi tau maraenga angkanaya appuasako; passangalinna Manggenu bawang ri suruga angngassengi. Na iaminjo Manggenu ri suruga lassareko sallang pahala lanri appuasanu.”

MATIUS 6:6

Jari, ikau punna erokko assambayang, antamakko ri bili'nu nampa nutongko' pakke'bu'nu, nunampa assambayang ri Allata'ala Manggenu, tenaya naniciniki. Na Manggenumi anciniki anjo sambayannu nugaukanga ri pammantangang taccokkoa. Iami sallang lassareko pahala lanri anjo sambayannu.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

LUKAS 14:14

Lanibarakkaki mako, nasaba' takkulleai nabalasa' ke'nanga kabajikannu. Mingka laNabalasaki Allata'ala anjo kabajikannu ri wattunna napabangung poleang tau bajika battu ri kamateanga.”

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

LUKAS 8:17

Tenanniakka apa-apa taccokko talakacinikang; siagang tenanniakka apa-apa nirahasiakang talatassungke siagang talakaassengang.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

MATIUS 10:42

Inai-nai assarei je'ne' inung kalase'renna tau tuna dudua, manna naje'ne' dinginja, passabakkang amminawanna ri Nakke, patappa'mi angkanaya tena tanggappana pahala sallang!”

PAMMUJI 139:12

anjo kasassangnganga tena todong nasassang mae ri Katte; anjo bangngia singaraki sangkamma ri alloa, na anjo sassanga sangkammai singara'.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PANGNGEBARANG 25:22

Lanri kammana nupa'jarimi tu'guru' siri'-siri' na laNabarakkakiko Batara.

MATIUS 6:3

Mingka ikau ngaseng, punna assareko passidakka, teako paui ri tau maraenga sollanna tena tau maraeng angngassengi anjo passidakkanu.