MATIUS 6:3 - KITTA' MATANGKASA'

³ Mingka ikau ngaseng, punna assareko passidakka, teako paui ri tau maraenga sollanna tena tau maraeng angngassengi anjo passidakkanu.

MATIUS 6:3 Referans Kwoze

YOHANES 7:4

Tenanniakka tau ancokkoi apa-apa nagaukanga punna eroki a'jari masahoro'. Punna Nugaukang apa-apa kammaya anjo, musti naasseng ngasengi sikontu rupataua ri lino!” (

MATIUS 9:30

Apaji nakkullemo accini' ke'nanga. Napakainga' dudumi Isa ke'nanga, sollanna tena napaui ke'nanga anjo kajarianga manna pole ri nai.

MARKUS 1:44

“Jagako, tea' laloko caritai anne passalaka manna pole ri nai. Mingka a'lampamako mae ri imanga assuro paressai kalennu mattantunu baji'mo. Punna le'ba' anjo, a'lampamako assare koro'bang passidakka situru' napassuroanga Musa, lanri a'jari baji'numo. Iaminjo a'jari butti ri taua angkanaya ma'nassa baji' mako ri garrinnu.”

MATIUS 12:19

Tala'geakai siagang talakkio'-kiokai, yareka talappidatoai ri agang-agang lompoa.

MATIUS 8:4

Le'baki anjo Nakanamo pole Isa ri anjo taua, “U'rangi! Tea' laloko caritai anne kajarianga manna pole ri nai. Mingka a'lampamako mange ri imanga, na nusuro paressa kalennu ri ia. Le'baki anjo, a'lampamako mange assare koro'bang situru' napassuroanga Musa; iaminjo a'jari butti ri taua angkanaya ma'nassa baji' mako ri garrinnu!”

MATIUS 6:2

Jari, punna assareko passidakka mange ri tau kasi-asia, teako pau-paui mange ri tau maraenga, sangkamma sarroa nagaukang tau munapeka ri balla' sambayanga yareka ri tangngana aganga, lanri eroki nipalece ri taua. U'rangi angkanaya ia tommi anjo pappalecea a'jari pahalana ke'nanga. Pantaranganna anjo pappalecea tenamo pahala maraeng lanagappa.

MATIUS 6:4

Boli'mi kamma na Allata'ala Manggenu ri suruga bawang anciniki siagang angngassengi anjo passidakkanu. Iami sallang assareko pahala lanri assarenu passidakka.”