MATIUS 6:17 - KITTA' MATANGKASA'

¹⁷ Mingka ikau ngaseng, punna appuasako, pira'nyuki rupannu siagang a'jangka baji'-bajikko,

MATIUS 6:17 Referans Kwoze

RUT 3:3

A'je'ne' mako kamma-kamma anne nampa ammakeko minynya'-minynya' mabau', siagang pakemi pakeannu kaminang ga'gaya. Nunampa a'lampa mange ri tampa' napanjamaia Boas anggiling gandung. Tayangi anjoreng sa'genna le'ba' angnganre siagang angnginung, mingka tea' lalo naassengi angkanaya niakko anjoreng.

KATO'BA 9:8

Lappassammi accaya siagang singara' rupannu.

2 SAMUEL 12:20

Jari ambangummi nai' Daud battu ri daparaka, nampa a'je'ne' siagang najangkai baji' uu'na, kammayatompa nasambei pakeanna. Le'baki anjo a'lampami assambayang ri Balla'Na Batara. Le'baki anjo ammotere'mi mae ri balla' kakaraenganga, siagang assuro patalami kanre, nampa angnganre.

2 SAMUEL 14:2

lanri kammana anjo assuro allemi sitau baine porea akkala'na niaka ammantang ri Tekoa. Ri wattunna battumo anjo bainea, angkanami Yoab ri ia, “Musti assara-saraiki' kamma tau susa kamateang ibu'; ammakeki' pakeang tau susa kamateang, siagang teaki' ammakei minynya' bau'. Kipare' kammai kalenta baine salloamo angngarru' lanri matenamo tau kingaia.