MATIUS 6:13 - KITTA' MATANGKASA'

¹³ TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

MATIUS 6:13 Referans Kwoze

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

YOHANES 17:15

Tena naKupalaki ri Katte sollanna Kiallei ke'nanga battu ri anne linoa, mingka Kupalaki ri Katte sollanna Kijagai ke'nanga battu ri Kaja'dallanga.

MATIUS 26:41

A'jaga-jaga mako siagang appala' doang mako, sollanna tena nanukasiaki paccobaya. Ero' memanji nyawaya anggaukangi tojenga, mingka tamakkulleai tubua lanri lammana.”

PAPPICINI' 19:1

Le'baki anjo nia'mo kulangngere' sa'ra gamarrunna tau jaia battu ri suruga, akkiok-kio' angkana, “Pujimi Allata'ala! Allata'alata, iamintu Allata'ala Mappasalamaka; Ia Allata'ala Mala'biri' siagang Makoasa!

2 TESALONIKA 3:3

Mingka tamamminrayai Batara. LaNapakajarrekko siagang laNajagaiko battu ri kaja'dallanga.

MATIUS 6:10

IKattemi Karaenna ikambe. Poro iKattemi ammarenta ri lino, na nituruki erotTa ri lino kamma ri suruga.

YEREMIA 15:21

LaKulappasangko battu ri kakoasanna sikamma tau ja'dalaka siagang pallaka. INakke, Batara, anne akkana.”

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,

1 TESALONIKA 1:10

Nacarita tommi ke'nanga antekamma batenu anrannuangi kabattuanNa Ana'Na Allata'ala battu ri suruga, iamintu Isa, le'baka nipattallasa' poleang ammotere' battu ri kamateanga ri Allata'ala. Ia tomminjo Isa ampasalamakki' battu ri pangngalarroiNa Allata'ala labattua sallang.

PAMMUJI 47:7

Akkelongko pammuji mae ri Allata'ala, akkelongko pammuji mae ri Karaenta!

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”

PAMMUJI 10:16

Batara ammarenta sa'genna satunggu-tungguna; bansa-bansa tenaya namangngasseng ri Ia la'lanynyaki battu ri buttana.

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.

1 YOHANES 3:8

Mingka inai-nai tuli a'gau' dosa, iami ana'na Billisika, nasaba' anjo Billisika doraka memammi battu ri pakkaramulanna. Untu' iaminne Nabattu Ana'Na Allata'ala, iamintu untu' angngancuruki jama-jamanna Billisika.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

PAMMUJI 41:13

Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

1 PATTOTTORANG 16:36

Puji Batara, Allata'alana Israel, anne kamma na satunggu-tungguna! Nampa akkanamo umma' Israel, “Aming”. Le'baki anjo mammuji-mujimi ke'nanga mae ri Batara.

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

PAOLE 8:16

Ri parang lompoa Nasareko manna untu' a'jari kanrenu, iamintu kanre tenaya naassengi boe-boenu. Nagaukangai Batara kammaya anjo lanri ero'nu naso'ri siagang nakellaina tuna pa'mai'nu, sollanna akkulle a'gau' baji' mae ri kau ri kale'bakkanna.

KALAPPASSANG 15:18

IKattemi Batara, Karaeng, ammarentaya satunggu-tungguna.”

PA'JARIANG 22:1

Siapa are wattu ribokoanganna Naso'rimi Allata'ala kajarrekanna tappa'na Abraham. Nakio'mi Allata'ala anjo Abraham angkana, “Abraham!” Appialimi Abraham angkana, “Iye' Batara.”

GALATIA 1:4

Napassareammi KalenNa Almasi a'jari koro'bang untu' dosa-dosata, lanri Naturukinna ero'Na Allata'ala Manggeta. Sollanta akkulle nipasalama' battu ri anne jammang kaja'dallanga.

2 KORINTUS 1:20

Nasaba' le'ba'mi Allata'ala angkana “Iyo” mae ri sikontu janjinNa, tete ri KalenNa Isa Almasi. Lanri kammanami anjo nakiangkanamo “Aming” mae ri Allata'ala, tete ri KalenNa Isa Almasi. Kammami anjo nagaukanga ikambe sollanna nipakala'biri' Allata'ala.

PAMMUJI 47:2

Attempa-tempa limako siagang rannu, he sikontu bansaya! Pujimi Allata'ala siagang pakkio' rannu!

PAMMILANGNGANG 5:22

Anne je'ne' angngeranga pattunra lantamaki ri battannu siagang napakkambangi battannu kammayatompa ampakapurruki poko' bonggannu.” Anjo bainea musti appiali angkana, “Kusitujui; poro kamma laloi anjo Nagaukang Batara.”

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

MATIUS 5:37

Jari angkana mako bawang ‘Iyo’ punna iyo, yareka ‘Tena’ punna tena. La'biangang na anjo, pangngajara'na mami billisika.”

DANIEL 4:25

Lanibongkai karaengku battu ri pa'rappunganna rupataua nampa attallasa' ri alla'na olo'-olo' niaka ri paranga. Lalang tuju taung langnganreki' ruku' kamma sapi karaeng, siagang attinroki' ri parang tassungkea, sa'genta lanibasai ri allung. Le'baki anjo lakianimi karaeng, angkanaya Allata'ala Kaminang Tinggia makoasa mae ri kakaraenganna rupataua, siagang anjo kakaraenganga Napassareangi mae ri nai-nai Napilea.

PANGNGEBARANG 30:8

Tena lalo kupaui kana-kana jekkonga siagang a'balle-ballea, siagang teaKi' lappassangia' a'jari kasi-asi yareka akkalumanynyang. Kisarea' apa kuparalluanga bawang.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

1 KORINTUS 14:16

Nasaba' punna rohnuji bawang appala' sukkuru' mae ri Allata'ala, nania' tau maraeng tena napahangi anjo bicara appakalannasa' battua ri RohNa Allata'ala, takkulleai anjo taua angkana, “Cocoka'” siagang anjo pappala' sukkuru'nu lalang pappala' doangannu; nasaba' tanaassengai angkana apa anjo nupaua.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

DANIEL 7:18

Mingka umma'Na Allata'ala Kaminang Tinggia lannarimai ha' untu' ammarenta siagang anjo pamarentahanna lattahangi satunggu-tungguna.”

PAMMUJI 106:48

Pujimi Batara, Allata'alana Israel, anne kamma siagang satunggu-tungguna. Boli'mi kamma yangaseng taua angkana, “Aming!” Pujimi Batara!

PAMMUJI 89:52

Musu-musunTa nahinai karaeng nipileTa, o, Batara, manna kemae lampana tuli nacau-caui.

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

1 KARAENG-KARAENG 1:36

Appialimi Benaya angkana, “Baji'mi karaeng mala'biri', poro Batara, Allata'alana karaengku, ampakajarreki anjo parentana karaeng.

PAPPICINI' 19:4

Anjo ruampuloa angngappa' pamimping, siagang anjo appaka olo'-olo' akkulilinga ri anjo empoang kala'biranga, su'ju' ngasemmi anynyomba mae ri Allata'ala ammempoa irate ri anjo empoang kala'biranga. Angkanami ke'nanga, “Aming! Pujimi Allata'ala!”

PAPPICINI' 5:13

Nampa akkelong kulangngere' sikontu anu attallasa' niaka ri langi', ri lino, irawanganna linoa, siagang lalang ri tamparanga; bodona kana sikontu anu attallasa' niaka ri anne linoa akkelong ngasengi angkana, “Ia ammempoa irate ri empoang kala'biranga, siagang anjo Ana' Gimbalaka, Iami nipuji na nipakalompo, kammayatompa nipakala'biri' na makoasa, sa'genna satunggu-tungguna!”

PAPPICINI' 3:14

“Untu' mae ri malaeka'na jama'ah Laodikia, tulisiki kamma anne: Iaminne pappasang battua ri Aminga, Sa'bi tojenga siagang tamamminraya, kabattuanna sikontu apa Napa'niaka Allata'ala.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.

1 TIMOTIUS 1:17

Siratangi nipakalompo siagang tuli nipuji Allata'ala, Karaenna sikontu jammanga, lanri Iami mannannungang, tenaya nakacinikang siagang tenaya ruanna! Aming.

YEREMIA 28:6

“Bajiki! Dasi-dasi na'rupaja antu botonu, siagang Naerang tojengi Batara ammotere' battu ri Babel barang-baranna Balla'Na Batara siagang sikontu tau nipelaka mange anjoreng.

PAMMUJI 22:28

Sikontu bansaya langngu'rangi ri Batara nampa ammotere' mae ri Ia, sikontu suku bansaya lasu'juki anynyomba mae ri Ia.