MATIUS 5:9 - KITTA' MATANGKASA'

⁹ Mate'nei tau mappasiamaka paranna tau; nasaba' iami laniakui ri Allata'ala a'jari ana'-ana'Na!

MATIUS 5:9 Referans Kwoze

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

ROMA 12:18

Usahakangi sollannu akkulle assiama' ngaseng siagang taua lalang tallasa'nu.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

PAMMUJI 120:6

Sukku'mi sallona kusa'ring ammantang siagang tau tenaya nangai passiamakkanga.

ROMA 8:14

Inai-nai nirurungang ri RohNa Allata'ala, iami ana'-ana'Na Allata'ala.

LUKAS 6:35

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

KOLOSE 3:13

Musti sa'barakko mae ri parannu tau, siagang massing sipammopporangko punna sipammolikangko larro mae ri parannu tau. Nangaiko Napammopporang Batara; jari musti ero' tongko massing sipammopporang.

PAMMUJI 34:12

Pilangngerimi, he ikau ana'-anaka ngaseng, kuajarakko mappakala'biri' mae ri Batara.

MATIUS 5:48

Ia Allata'ala Manggenu ri suruga sukku' Nakamaseangi sikontu rupataua. Jari parallui nukamaseang todong parannu tau.”

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

LAMPA-LAMPANA 7:26

Ammukona nia'mo pole narapikang rua tu Israel assiba'ji. Naallemi nasa'lakki nampa napa'dame ke'nanga. Nakana ri ke'nanga, ‘Ikau antu tau assari'battangko. Apa saba'na nuero' assiba'ji?’

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

1 PATTOTTORANG 12:17

Nibuntulimi ke'nanga ri Daud na nakana, “Punna battuko mae salaku agang untu' ambantua', a'gabung mako siagang inakke. Rannui pa'maikku antarima ngasengko. Mingka punna ero' ngasengko ambalianga' untu' musungku, manna tena kasalangku mae ri kau ngaseng, Allata'ala nasombaya boe-boeta angngassengi, Iami langhukkung ngasengko.”

1 KORINTUS 6:6

Mingka angngapa nania' ri kau mange antuntuki paranna tu Karisteng ri dallekanna tu tenaya na Karisteng?

FILIPI 4:2

Ikau Euodia siagang Sintike, a'jari sari'battang bainea! Kupalaki ri kau sipa'rua sollannu a'julu ati, sangkamma tau assari'battanga lalang ri katappakkanga.

LUKAS 20:36

Lasangkammami malaeka' siagang talamateami ke'nanga. La'jarimi ana'-ana'Na Allata'ala ke'nanga, nasaba' nipattallasa' poleammi ke'nanga battu ri kamateanga.

EFESUS 4:1

Iaminjo saba'na nainakke anne tu nitarungkua lanri kulayanina Batara, kupala' dudui ri kau ngaseng: bajikimi empoang tallasa'nu situru' empoannu salaku tu le'bakamo nikio' ri Allata'ala.

ROMA 8:16

RohNa Allata'ala siagang rohna kalenta ampa'nassai angkanaya a'jari maki' ana'-ana'Na Allata'ala.

ROMA 8:19

Sikontu linoa sanna' ngasemmi manakku'na antayangi angkanaya kerepi wattu naNapa'nyata Allata'ala kala'birang laNapassareanga mae ri ana'-ana'Na.