MATIUS 5:48 - KITTA' MATANGKASA'

⁴⁸ Ia Allata'ala Manggenu ri suruga sukku' Nakamaseangi sikontu rupataua. Jari parallui nukamaseang todong parannu tau.”

MATIUS 5:48 Referans Kwoze

YAKOBUS 1:4

Boli'mi kamma pila' katambang sa'bara'nu sa'gennu a'jari makassa' siagang sukku' kammayatompa tenamo apa-apa kakurangannu.

KAIMANGNGANG 19:2

ampabattui mae ri bansa Israel anne parentaya angkana, “Paralluko matangkasa', nasaba' iNakke Karaeng Allata'alanu matangkasakKa'.

LUKAS 6:36

Paralluko lompo pangngamaseang sangkamma Manggenu lompo pangngamaseangi.”

PAOLE 18:13

Jari paralluko ampa'jari atai kalennu mae ri Karaeng Allata'alanu siagang sikontu pa'mai'nu.”

KOLOSE 1:28

Iaminjo Almasi nabirittakanga ikambe mae ri sikontu rupataua. Kipakainga'mi siagang kiajara' ngasemmi ke'nanga siagang baji'-baji'. Pattujunna ikambe iamintu sollanna akkulle ngaseng nierang rupataua mae ri Allata'ala, salaku tau baji'mo katallassang rohanina, lanri asse'renamo siagang Almasi.

1 YOHANES 3:3

Sikontu tau niaka panrannuang kammana anne mae ri Almasi lanajagai kalenna sa'genna tangkasa' tojeng-tojeng, iamintu tangkasa' battu ri dosa-dosaya sangkamma tangkasa'Na todong Almasi.

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

LUKAS 6:40

Tena ana' guru la'jari lompoangang na gurunna. Mingka punna le'ba'mo appilajara' ana' gurua, lasangkammami gurunna.

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

KAIMANGNGANG 11:44

INakke Karaeng Allata'alanu, lanri kammana anjo jagai kalennu sollannu tuli matangkasa', lanri iNakke matangkasakKa'.

KAIMANGNGANG 20:26

Kusa'lakko battu ri alla'na bansa-bansa maraenga sollannu a'jari Kupatang. Musti matangkasakko lanri iNakke Batara, na iNakke matangkasakKa'.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

2 KORINTUS 13:9

Rannu maki', punna ikambe lamma na ikau majarre'. Appala' doangki', sollannu a'jari sukku' baji' ri tallasa'nu.

PAMMUJI 37:37

Parhatikangi tau bajika siagang tau lambusu' pa'maika; tau nangaia assiama' bajiki allo ri bokona.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

2 SAMUEL 22:31

Sangkaki gau'Na Allata'ala, janjinNa akkullei nipatappa'! Ia rapang pa'lapa' barambang mae ri sikontu a'la'langa ri Ia.

MATIUS 5:47

Na punna agannuji bawang nujamakki, apa la'bina kabajikannu? Kamanna tau kapereka nagaukang tonji kammaya.

PAOLE 27:10

Lanri kammana anjo turukimi Batara siagang gaukangi sikontu hukkunNa kupassareanga mae ri kau anne alloa.”