MATIUS 4:10 - KITTA' MATANGKASA'

¹⁰ Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

MATIUS 4:10 Referans Kwoze

PAOLE 10:20

Pakala'biriki Karaeng Allata'alanu, siagang Iaji bawang musti nusomba. Paralluko tuli majarre' pa'mai'nu mae ri Ia siagang lalang arenNa bawang nussumpa.

YOSUA 24:14

Nakanamo pole Yosua, “Jari, kamma-kamma anne pakala'biriki Batara. Anynyombako mae ri Ia silambusu'na pa'mai'nu siagang pa'mai' tamamminraya. Pakabellai rewata-rewata nasombaya riolo boe-boenu ri Mesopotamia siagang ri Mesir. Anynyombako ri Batara bawang.

LUKAS 4:8

Appialimi Isa Nakana, “Nia' tattulisi' lalang ri Kittaka angkanaya, ‘Parallui nusomba Karaeng Allata'alanu, siagang Iaji bawang siratang nupakala'biri'!’ ”

1 SAMUEL 7:3

Nakanamo Samuel ri umma' Israel, “Punna erokko ammotere' mae ri Batara siagang anynyomba ri Ia siagang sikontu atinnu, musti nupela' ngasengi sikontu rewata battu-battua siagang patunna Dewi Asytoret. Passareang tabasikali kalennu mae ri Batara, siagang anynyomba mako mae ri Ia bawang, na Nalappassangko battu ri tu Filistin.”

YAKOBUS 4:7

Lanri kammana, tundu' mako mae ri Allata'ala, siagang ewai Billisika, sollanna lari Billisika battu ri kau.

1 PETRUS 5:9

Jarreki tappa'nu nanuewa. Nasaba' nuassemmi angkanaya yangasenna parannu tu Karisteng ri sikontu linoa sessa ngaseng tongi sangkamma ikau.

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

AYUB 2:1

Andallekammi pole ri Batara sikamma apa attallasaka ri suruga, na nia' todong lapung Panggoda ri alla'na ke'nanga.

AYUB 1:12

Nakanamo Batara ri lapung Panggoda, “Baji'mi, gaukammi apa eroka nugaukang mae ri sikontu kakalumanynyanganna Ayub, assala' teako pa'risi'!” A'lampami lapung Panggoda battu ri dallekanNa Batara.

1 PATTOTTORANG 21:1

Eroki billisika ancilakai tu Israel; lanri kammana nanyonyo'mi Daud sollanna nasuro bilang taua.

AYUB 1:6

Ri se'reang allo battumi sikamma apa attallasaka ri suruga andallekang ri Batara; na nia' todong lapung Panggoda ri alla'na ke'nanga.

PAMMUJI 109:6

Kiangka'mi se'rea tau ja'dala' untu' angngadeli, boli'mi kamma nitudu ri balinna.

KALAPPASSANG 23:25

Punna anynyombako ri Nakke, Karaeng Allata'alanu, laKubarakkakiko siagang kaparalluang kanrenu siagang inungannu, kammayatompa laKupakabellai sikontu garringa battu ri kau.

YESAYA 30:22

Sikamma patung barhalanu nilapisika pera' siagang bulaeng, lanupelaki sangkamma loro, nampa nukana, “Bellako battu ri nakke!”

MARKUS 1:13

Patampulo alloi ammantang anjoreng, niso'ri ri Billisika. Jai olo'-olo' liaraka Naagang sipammantangang; na battumo malaekaka allayani.

LUKAS 10:18

Appialimi Isa Nakana, “Kucini'mi Billisika tu'guru' battu rate ri langika sangkamma kila'.

LUKAS 11:18

Kamma tomminjo lalang ri pamarentahanna Setanga; punna assiba'ji-ba'ji para ia silokoang, mattantu laruntungi anjo pamarentahanna. Nukana ngaseng angkanaya lanri koasana Pinggawana Setang nakkulle Kubongka anjo setanga.

LUKAS 13:16

Anrinni nia' sitau baine, sossoranna Abraham, sampulomi assagantuju taung nisessa siagang nisikko' ri Billisi'. Maka takkulleai nila'gasi passikko'na ri Allo Pammari-marianga?”

LUKAS 22:3

Antama'mi Billisika ri kalenna Yudas Iskariot, iamintu kalase'renna anjo sampuloa anrua ana' gurunNa Isa.

LUKAS 22:31

Nakanamo Isa mae ri Simon, “O Simon, o Simon, pilangngeri sai! Nikellaimi Billisika anso'ri ngasengko. Sangkamma punna nipasisa'la' asea siagang awanna, kamma tomminjo lanipasisa'laki bajika siagang kodia.

YOHANES 13:27

Tasalloai le'ba'na natarima Yudas anjo rotia, antama'mi Billisika ri atinna. Nakanamo Isa ri ia, “Gaukammi linta' apa eroka nugaukang.”

LAMPA-LAMPANA 5:3

Nakanamo Petrus, “Ananias, angngapa nanupassareang atinnu nakoasai Billisika, sa'gennu a'balle-balle ri RohNa Allata'ala? Iamintu nuboli' cokko-cokkoi untu' kalennu tawaruanna doe' ballinna anjo tanaya?

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

1 KORINTUS 5:5

Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

2 KORINTUS 2:11

Nakugaukang anjo kammaya, sollanna takkullea Billisika anggappa kasampatang angkoasaiki'; nasaba' niassemmi sikamma ero'na anjo Billisika.

2 KORINTUS 11:14

Takkulleaki' lannasa' punna appakamma anjo ke'nanga, nasaba' manna Billisika ammakeang kamma tonji malaeka' singaraka!

2 KORINTUS 12:7

Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.