MATIUS 3:6 - KITTA' MATANGKASA'

⁶ Namangakuimi dosa-dosana ke'nanga, nampa nije'ne' ke'nanga ri Yohanes lalang ri Binanga Yordan.

MATIUS 3:6 Referans Kwoze

LAMPA-LAMPANA 19:18

Jaimi tau tappakamo ri Isa battu ammangakui ri dallekanna tau jaia sikamma panggaukang salana ke'nanga ri wattu allaloa.

1 YOHANES 1:9

Mingka punna nimangakui dosa-dosata mae ri Allata'ala, laNarupaimi janjinNa siagang laNagaukammi apa-apa adeleka mae ri katte. LaNapammopporangi dosa-dosata siagang laNatangkasiki' battu ri sikontu kaja'dallanga.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

IBRANI 6:2

yareka pappilajarang uru-urua ri passala'na pa'je'nekanga yareka appatompanga lima irateanganna taua untu' ambarakkaki; yareka ri passala'na attallasa' poleanga ammotere' battu ri kamateanga siagang hukkungang satunggu-tunggua.

KOLOSE 2:12

Nasaba' ri wattunnu nije'ne', iaminjo a'jari pammatei angkanaya nitarawang mako siagang Almasi; siagang iatommi anjo pa'je'neka a'jari pammatei angkanaya nibangung poleang todong mako battu ri kamateanga siagang Almasi, lanri tappa'nu ri koasaNa Allata'ala, ampabangung poleangai Almasi battu ri kamateanga.

1 KORINTUS 10:2

Sanrapang nije'ne'mi ke'nanga lalang ri anjo rammanga siagang lalang ri anjo tamparanga, sollanna akkulle ke'nanga a'jari tumminawang ri Musa.

LAMPA-LAMPANA 22:16

Kamma-kamma anne tea' mako sallo-salloi pole attayang. Ambangung mako nai', nanupassareang kalennu nije'ne'. Appala' popporo' mako mae ri Batara, sollannu nipammopporang ri dosa-dosanu.’ ”

LAMPA-LAMPANA 11:16

Nampa kuu'rangimo angkanaya le'baki akkana kamma anne Batara, ‘Yohanes je'ne' napake anje'neki taua, mingka ikau ngaseng lanije'nekko siagang RohNa Allata'ala.’

LAMPA-LAMPANA 1:5

Nasaba' je'ne' napake Yohanes anje'nekko, mingka tasalloami anne nulanije'ne' siagang RohNa Allata'ala.”

LUKAS 3:16

Jari nakanamo Yohanes ri ke'nanga, “Inakke je'ne' kupake anje'nekko, mingka nia' labattu tau lompoanganga na inakke. Manna alla'gasia otere' sapatuNa tena todong kusiratang. Iami sallang lanje'nekko siagang RohNa Allata'ala siagang pepe'.

MARKUS 1:5

A'lampa ngasemmi tuniaka ri pa'rasangang Yudea siagang kota Yerusalem, mange ampilangngeri Yohanes. Namangakuimi dosa-dosana ke'nanga, nampa nije'ne' ri Yohanes lalang ri Binanga Yordan.

DANIEL 9:4

Sikontu dosana bansaku kuakui mae ri Karaeng Allata'alaku. Kukana, “O Karaeng Allata'ala, iKatte malompo, na ikambe mappakalompo ri Katte. Tuli Kirupai janjinTa siagang Kipa'nyatai pangngamaseang tamattapputTa mae ri ke'nanga mangngamaseanga ri Katte siagang anggaukangai apa Kiparentakanga.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

PAMMUJI 32:5

Nampa kumangakuimo dosaku mae ri Katte, tenamo kasalangku kucokkoi. Kutappukimi ri pa'maikku untu' angngakui mae ri Katte, na Kipammopporang ngasemmo sikontu dosaku.

YOSUA 7:19

Nakanamo Yosua ri Akhan, “Na', mangakuimi siagang paumi silambusu'na anrinni ri dallekanNa Batara, Allata'alana Israel, apa le'baka nugaukang. Pauamma', teako cokkoi.”

PAMMILANGNGANG 5:7

anjo taua musti namangakui dosana siagang a'bayaraki pappasulu' siganna'na, nampa nitambai ruampulo parseng mae ri anjo tau nipakarugia.

KAIMANGNGANG 26:40

Mingka lanaakui jari-jarinu dosana ke'nanga siagang dosana boe-boena ke'nanga, ia tamannurukia siagang angngewaya mae ri Nakke,

KAIMANGNGANG 16:21

Musti napadongkoki rua-rua limanna irate ri tompo' ulunna anjo bembea nampa naakui ngaseng sikontu kasalanna, dosana siagang gau' salana bansa Israel. Lanri kammana anjo nipalette' ngasemmi sikontu kasalanna bansa Israel mae ri ulunna anjo bembea. Nampa kalase'renna tau nisarea tugasa' musti nabongkai anjo bembea mange ri parang lompoa.

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

EZRA 10:1

Lalang appala' doanna Ezra siagang angngarru' appala' popporo' ri dallekanna Balla'Na Batara, sanna' jaina tu Israel battu a'rappungang, bura'ne, baine, siagang ana'-ana'. Nakulilingi ke'nanga anjo Ezra nampa angngarru' lompo ngaseng.

LUKAS 1:16

Jai tu Israel lanaerang ammotere' mae ri Allata'ala, Batarana ke'nanga.