MATIUS 28:9 - KITTA' MATANGKASA'

⁹ Ti'ring nia'mi Isa ampappicinikangi KalenNa ri anjo bai'-bainea, siagang angkanami, “Salama'!” A'reppese'mi ke'nanga mange ero' anrakaki bangkenNa siagang ansombai Isa.

MATIUS 28:9 Referans Kwoze

MATIUS 28:17

Nacini'na ke'nanga Isa anjoreng, su'ju'mi ke'nanga anynyomba ri Ia. Mingka nia' todong ri ke'nanga bata-bata.

MATIUS 14:33

Su'ju' ngasemmi ana'-ana' gurunNa Isa anynyomba ri Ia. Angkanami ke'nanga, “Ma'nassa tojeng, iKattemi Batara Ana'Na Allata'ala!”

YOHANES 20:28

Nakanamo Tomas ri Isa, “O Bataraku, siagang Allata'alaku!”

LUKAS 24:52

Su'ju'mi ke'nanga anynyomba ri Ia. Le'baki anjo ammotere'mi ke'nanga mange ri Yerusalem, sanna' ngaseng rannuna nyawana,

YOHANES 12:3

Battumi Maria angngerang minynya'-minynya' sannaka bau'na, kira-kira nia' sitangnga litere' jaina, sannaka ka'jala'na ballinna. Napatiri'mi anjo minynya'-minynyaka ri bangkenNa Isa, nampa nalu'lu' siagang uu'na. A'jari bau' ngasemmi niara' lalang sibatu balla' napakamma anjo minynya'-minynyaka.

LUKAS 7:38

Mangemi ammenteng ri bokoNa Isa, iamintu ri ampi' bangkenNa Isa. Angngarru'mi anjoreng, nampa nabasai bangkenNa Isa siagang je'ne' matanna. Nampa nalu'lu' nakalotori bangkenNa Isa siagang uu'na, nampa natumpai minynya'-minynya' bau'.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

YOHANES 20:19

Ri ia memang anjo allo Minggua, ri wattunna bangngimo, a'rappungammi ana'-ana' gurunNa Isa ri se'reang balla'. Nijoli ngasengi pakke'buka, lanri mallaki ke'nanga ri pamarentana tu Yahudia. Ti'ring nia'mi Isa ammumba, siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

LUKAS 1:28

Battumi anjo malaekaka mae ri Maria na nakana, “Salamakko, ikau tu nibarakkakia ri Batara! Poro nirurungangko ri Batara!”

YESAYA 64:5

Kiruppai tau lambusuka siagang tau attallasaka situru' erotTa. LarroKi' mae ri kambe, mingka tuli dorakana ikambe memang battu riolo iji nasala ikambe.

MATIUS 23:7

Nangai ke'nanga punna nipakala'biri' ri pasa'-pasaraka, siagang sannang sikali punna nikio' ‘Bapa' Guru’ ri taua.

MATIUS 28:8

Akkaro-karomi anjo bai'-bainea a'lampa ambokoi anjo jeraka. Sanna' malla'na ke'nanga, mingka sanna' todong rannuna ngaseng nyawana. Larimi ke'nanga mange ampabattui ri ana'-ana' gurunNa Isa.

MATIUS 28:10

Nakanamo Isa ri ke'nanga, “Teako mallakki, a'lampamako mae ri sikamma sari'battangKu na nupauang sollanna a'lampa ke'nanga mange ri Galilea; anjorempA' sallang nacini' ke'nanga.”