MATIUS 28:4 - KITTA' MATANGKASA'

⁴ Annekkere'mi anjo sikamma surudadu a'jagaya napakamma malla', sa'genna pi'lasa' ngaseng tanja'na kamma tau matea.

MATIUS 28:4 Referans Kwoze

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

DANIEL 10:7

Kale-kalengku bawang anciniki anjo paccinika. Sikamma tau niaka kuagang tanacinikai, mingka lari ke'nanga mange accokko napakamma malla'.

LAMPA-LAMPANA 16:29

Appala'mi lampu anjo kapala tarungkua nampa lari antama'. Annekkere'mi nakkulantu' anynyomba ri dallekanna Paulus siagang Silas.

MATIUS 28:11

Lalang a'lampana anjo bai'-bainea, nia'mo siapa are Surudadu a'jagaya ri jeraka, ammotere' ri kotaya. Mangei nalaporo' ke'nanga ri imang-imang kapalaya sikamma anjo apa le'baka kajariang.

PAMMUJI 48:6

Mingka nacini'na anjo buluka, lannasa'mi ke'nanga; gegere'mi ke'nanga nampa lari a'lingu-lingu.

AYUB 4:14

Ta'bangka' na kuannekkere'; ta'ge'goso' sikontu tubuku, annekkere'.

MATIUS 28:3

Accayai rupanna nicini' anjo malaekaka kamma kila', na pakeanna sanna' sikali kebo'na.

MATIUS 28:5

Nakanamo anjo malaekaka ri anjo bai'-bainea, “Teako mallakki! Kuassengi angkanaya Isa, le'baka nisalli', battu nuboya.