MATIUS 28:3 - KITTA' MATANGKASA'

³ Accayai rupanna nicini' anjo malaekaka kamma kila', na pakeanna sanna' sikali kebo'na.

MATIUS 28:3 Referans Kwoze

LAMPA-LAMPANA 1:10

Lalang accongana ke'nanga nai' ri langika, ri wattunna ta'angka' Isa nai' ri suruga, ti'ring nia'mo rua tau ammakeang kebo', ammenteng ri ampi'na ke'nanga.

MARKUS 9:3

PakeanNa a'jari sanna'mi kebo'na. Tena manna sitau tukang minatu ri lino akkulle assassa kamma anjo kebo'na.

MARKUS 16:5

Antama'mi ke'nanga ri anjo jeraka. Nia'mo nacini' ke'nanga sitau tu rungka ammempo lalang ri sa'ri kananna jeraka, ammake juba sannaka kebo'na. Na ta'bangkamo ke'nanga anciniki.

PAPPICINI' 18:1

Le'baki anjo nia'mo kucini' se're malaeka' maraeng naung battu ri suruga. Nia' kakoasang lompona, siagang suara'nami ampa'jari singaraki sikontu linoa.

YOHANES 20:12

Apaji nania'mo nacini' rua malaeka' ammakeang kebo'. Ammempoi anjo ruaya malaeka' ri bate pammantanganna maya'Na Isa, se're ri tuju ulunNa, nase're ri tuju bangkenNa.

PAPPICINI' 10:1

Nampa nia' kucini' malaeka' maraeng sannaka gammara'na naung battu ri suruga. Nikalimbuki ri rammang, siagang nia' tarawe takkalu' ri ulunna. Accayai rupanna sangkamma mataallo, na bangkenna sangkammai benteng pepe'.

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

DANIEL 7:9

Lalang tulusu' kuparhatikanna, nia'mo siapa are empoang karaeng nipadongko'. Nampa Ia mattallasaka satunggu-tungguna niaki ammempo irate ri kalase'renna anjo empoang kakaraenganga. PakeanNa siagang uu'Na sanna' kebo'na rapang kapasa'. Empoang kakaraenganNa siagang roda-rodana a'rinra-rinrai lanri pepe' lompo,

PAMMUJI 104:4

Anging Kipa'jari suroTa, na kila' a'jari palayanTa.

MATIUS 28:4

Annekkere'mi anjo sikamma surudadu a'jagaya napakamma malla', sa'genna pi'lasa' ngaseng tanja'na kamma tau matea.