MATIUS 27:62 - KITTA' MATANGKASA'

⁶² Ammukona, ri allo Pammari-marianga, a'lampami imang-imang kapalaya siagang tu Farisia mange andallekang ri Pilatus.

MATIUS 27:62 Referans Kwoze

MARKUS 15:42

Ri wattunna ero'mo bangngi nia'mi Yusuf battua ri Arimatea. Anne Yusuf, anggotana tongi haking Pangadelang Agamaya, siagang nikangalikang tongi ri taua. Sallo tommi natayang wattunna na Napakkaramula Allata'ala ammarenta salaku Karaeng. Anjo alloa, allo Pappasadiang (iamintu allo sadiana taua antayangi allo Pammari-marianga, labattua ammuko). Jari napa'baraniammi Yusuf mange andallekang ri Pilatus, ampalaki maya'Na Isa.

YOHANES 19:14

Anjo wattua a'birimmi tette' sampulo anrua ri tangngana alloa, iamintu allo rioloanganna Allo Lompo Paskaya. Nakanamo Pilatus ri yangaseng anjo taua, “Anne karaennu.”

YOHANES 19:42

Nasaba' ambaniji anjo jeraka, siagang la'birimmi antama' allo Pammari-marianga, anjoremmi natarawang ke'nanga Isa.

YOHANES 19:31

Taerokai pamarentana tu Yahudia amboliki ammantang ta'gentung maya'na anjo tau le'baka nisalli' ri allo Pammari-marianga. La'biangampa pole nasaba' anjo allo Pammari-marianga sitabang tongi Allo Lompona Allo Pammari-marianga. Lanri anjo nisalli'Na Isa tenapa narapiki allo Pammari-marianga, appala' paramisimi tu Yahudia mae ri Pilatus sollanna akkulle natepo' ke'nanga bangkenna anjo tau le'baka nisalli', siagang nipanaung maya'na battu rate ri anjo kayu sallika.

MATIUS 26:17

Ri allo pakkaramulanna allo Passua'-suarrang Roti Tenaya Nammake Pa'gambang, battumi ana'-ana' gurunNa Isa mae ri Ia. Nakanamo ke'nanga, “Kemae erotTa lanipasadia pangnganreang Paskaya?”