MATIUS 27:55 - KITTA' MATANGKASA'

⁵⁵ Jai todong tu baine anjoreng, ancini' battu bellai anjo kajarianga. Ia ngaseng minjo ke'nanga le'baka amminawang siagang ambantui Isa appakkaramula battu ri Galilea.

MATIUS 27:55 Referans Kwoze

MARKUS 15:40

Nia' todong siapa are bai'-baine ancini' battu bellai anjo sikamma apa kajarianga. Niaki Salome, Maria Magdalena, siagang Maria amma'na Yakobus loloa, kammayatompa Yoses.

MARKUS 15:41

Yangaseng minjo ke'nanga, bai'-baine ampinawangi siagang antulungai Isa ri wattunna nia' Isa ri Galilea. Na jai pole bai'-baine maraeng anjoreng, amminawanga todong ri Isa battu ri Yerusalem.